vekesPotte 11
08.04 - 14.04

Brage gjorde eit forsøk på å snyta vossingen Håkon Trettenes frå pottesigeren i dag, men han kom 7 pinnar for kort. Håkon vart då den fjerde vossingen som har tømt vekespotto. Me gratulerer og ynskjer samstundes gud (kanskje ikkje hen) og kvarmann velkomen til ny pottedyst. 

Måndag 13. april:

Her går ein og tel på knappane om ein skal kasta heile potto i fjorden då intensjonen om auka aktivitet ser ut til å ha motsatt effekt med prisakue på treningar og innstrammingar for dei som vel å auka treningsdosen, men så tikkar det inn ei vippsmelding seint måndagskvelden frå Martin der han beklagar at han har gløymt å melda seg på denne vekespotto før no og at han får stilla opp som støttemedlem denne runden sidan han truleg ikkje har tid til å spela i morgon.

Med slike oppmuntrande ord så startar eg nok ein ny runde med vekespotto onsdag. Men det er endå eit døger igjen av denne potto og scoren er slett ikkje avskrekkande. 263 bør vera innafor rekkevidde for dei fleste når dei legg hcp sitt oppå. 

Sundag 12. april:

I dag var det månadscup på Voss og tre av pottedeltakarane var med på cupen. Men Håkon Trettenes, som er i Drammen og hankar gull og grøne skogar i jernbanemeisterskapen, held framleis stand.

Fredag 10. april:

Bra deltaking på freddan i kveld. På treninga onsdag var me ein person utanom veteranlagskampen. I dag var me seks spelarar. Olav og eg var dei einaste pottedeltakarane, men det me leverte var ikkje så mykje å skriva heim om. No testa me ut ein ny konkurranseprofil som skal brukast både i Chanpionatfinalen på Stord sundag og i kvalifiseringa på Hønefoss torsdag, så det får ta litt av skulda.