OS MOTORES DO CAMBIO
Ao longo do século XVIII toda Europa comeza a vivir unha grande transformación cara á modernidade. A época coñécese como “Ilustración” e a diferencia dos tempos anteriores en que o mundo se explicaba coa relixión, a partir deste momento cambia a maneira de pensar e a ciencia convértese no motor do cambio da sociedade.
Nace a democracia moderna, a tecnoloxía e os sistemas produtivos viven unha auténtica revolución e iníciase unha transformación a toda velocidade que xa non se detería ata o presente.
Neda viviu todo iso ao longo dos séculos XIX e XX. Aquí naceron industrias avanzadas que tiraron polo comercio e que converteron o noso territorio nun polo económico puxante…Pero tamén houbo guerras e tempos de emigración alternados con épocas de bonanza e de florecemento cultural.
Dous séculos da nosa historia que, coma os anteriores, deixaron pegada no concello e axudan a entender o que somos hoxe.
PICA NOS RECADROS PARA ACCEDER AOS CONTIDOS DESTA SECCIÓN