FALAR CON CORTESÍA

Ter boas maneiras ou comportarse dunha maneira socialmente aceptable e respectuosa demostra respecto, coidado e consideración polos outros. Tal comportamento pode axudarnos para ter un mellor contacto coas persoas que coñecemos e con aquelas que aínda nos quedan por coñecer.

Saudar con corrección (bo día ou boa tarde) e dicir por favor e grazas cando necesitemos algo, dirixíndonos a unha persoa que está detrás dun mostrador ou dunha cabina, fai que as persoas sexan máis receptivas.

Ademais diso, é necesario excusarse cando tropezamos con alguén cun desculpe, perdón...

Debedes manter o volume da voz non moi alto, asegurándovos de que as persoas poidan escoitalo. Tamén é importante non empregar improperios, insultos ou expresións malsoantes. Por último, non debedes interromper a alguén cando el ou ela está falando. Escoitade e agardade a vosa quenda.