DESCRIBIR OBXECTOS

Á hora de describir obxectos que nos rodean, recomendamos que, antes de nada, vos fixedes ben nas características que estes posúen. Cando se fai unha descrición, deben terse en conta os trazos máis importantes e, ao igual que cando describimos unha persoa, realizarase de maneira ordenada.

Has de falar claro e explicar ben como é o obxecto: o seu tamaño, a súa forma e demais detalles. Cómpre tamén que fales dos sentidos, como é á vista, ao olfacto e cal é a súa textura.

Lembra que podes consultar o dicionario para escoller os adxectivos que mellor o definan, para así poder describir a realidade que nos arrodea e os sentimentos que provoca en nós.

As comparacións con outros obxectos poden ser de grande utilidade á hora de salientar o que queremos describir.