DESCRIBIR UN LUGAR

Para facer unha descrición dun lugar debes explicarte ben e escoller ben o vocabulario que vas empregar procurando os adxectivos que mellor califiquen as cousas que vexas e as súas características.

Sigue unha orde e divide o texto no que fagas unha presentación do lugar que vas describir salientando aqueles datos máis importantes: como é ese lugar ou onde está situado, as sensacións que nos transmite ese lugar, como nos sentimos nel... É dicir, como se pouco a pouco o fosemos debuxando.

Non te esquezas de facelo ordenadamente e con claridade, evitando as faltas de ortografía. Podes utilizar expresións como ao lonxe, arredor, ao fondo, á esquerda, á dereita, ao norte, ao sur, ao leste, ao oeste... Tamén podes empregar comparacións ou expresións como en primeiro plano, no centro...