Chantada
Nesta festa, os principais protagonistas son os volantes.
Son personaxes cunha enorme carga simbólica representativos do Entroido Ribeirao, o carnaval da zona de Chantada. A súa vestimenta é unha das máis impresionantes dos carnavais galegos.
Destaca especialmente o pucho, un aparatoso tocado de ata 15kg, profusamente adornado con fitas, flores e incluso bonecas; visten tamén panos “portugueses” e cinto do que penden 24 chocallos que anuncian o paso dos volantes.
Todo un espectáculo de vida e cor, os volantes nunca deixan de bailar e visten camisas e pantalóns con cores amarelo e vermello.
Outra personaxe do entroido de Chantada é o peliqueiro. Viste con roupa vella e cubre a súa cara cunha máscara feita de pel. A súa función é abrir paso aos volantes cunha correa de coro e tamén anunciase o seu paso co son dos chocallos.
O entroido desenvólvese ao longo do mes de febreiro cunhas datas moi especiais:
DOMINGO LAMBEDOIRO:
Esta data está moi relacionada coa gastronomía. Tamén chámase domingo fareleiro ou borralleiro xa que os participantes bótanse enriba diversas substancias naturais.
DOMINGO CORREDOIRO:
Celébranse xogos e representacións teatrais.
DOMINGO DE ENTROIDO:
Día propio de la festividade.
MARTES DE ENTROIDO:
Os volantes, chegados da ribeira, aparecen coas súas comparsas. Prodúcese tamén o testamento da máscara, na que se repasa a vida dos veciños da zona satíricamente e o enterro do Santo Entroido. Nesta cerimonia o símbolo da festividade no seu conxunto é introducido nunha caixa de formica que posteriormente se cubre con follas. Os volantes danzan arredor da caixa fúnebre mentras o cura e o sacristán intentan resucitar ao cadáver.