文：馮曉雯

撰於2019年10月15日

香港市民

每一日嘅經歷總會遇到一啲人，呢啲人會改變我對生命嘅睇法。

四個月以嚟，我都想自己撐住，無論我點R爆頭，都諗唔明點解要班後生仔去衝。我係一個和理非，仲要係一個驚死嘅和理非。我有一個家庭嘅負擔令我唔敢變成衝衝子，我更加怕我可以為班後生做少咗嘢而瞓唔得著。我冇佢哋嗰份勇氣，但我更加冇放棄佢哋嘅想法。

我從來都唔喜歡自己作為「教師」呢個身份，因為我討厭老師。中二嘅我被老師語言暴力過，中六中七嘅我被一位老師壓迫過，而我從來都唔想變成佢哋。

我遇過好多好好嘅老師，亦都係佢哋話到俾我知，一個學生遇到嘅老師會點樣影響到佢哋。

「我願意為你上前線去擋子彈」將我個心都掟碎咗。

「make me feel better like we are not alone」我想要為這班後生走得更前，做得更多。

作為一個成年人，我哋可唔可以再行前多啲？我真係屌你老母「收成期」班仆街。

作為一個人，有嘅係良知。作為一個人，有嘅係為下代去承擔。