文：馮曉雯
撰於2019年10月14日
香港市民
趕日程，隨手截了一架的士，一開門還未上車，的士司機大叫：「你識唔識路㗎？你要帶我行。」我應道：「我識，去XXX。」「好呀！我係替更嘅，喺YYY嗰邊嚟，呢邊唔識路。」
帶有疑惑，便問的士司機關於替更司機的事，他說了一些替更司機的二三事，解釋替更司機要更注意的士的實際狀態，如何要小心注意安全。我不禁問道：「咁坐你哋車咪安全啲囉？」「唔係㗎！係專業嘅問題，你上得我車就係客，我就要送你去你嘅目的地，所以我先問你識唔識路，冇理由呃咗你上車噤咗棋先話你知㗎嘛？！」
說著說著，他又拉回去專業的問題上去：「總之就係專業嘅問題，我咩人都載嘅。」我回應了他，說穿了，他就是載過黑衣的抗爭者。「總之上得我架車，我就要好專業咁送佢哋去目的地。」我連聲說了很多聲「多謝您！」他說了幾句，又加了一句：「專業得嚟都要有專業嘅底線。只有一種人，一種人我係唔會載嘅，只有一種人截咗我車，上車話去邊去邊，我唔會載。我唔車防暴！只有防暴警我唔會載。」
我應道：「多謝您！」
「係吖嘛！」他提到721，提到自己做了幾十年人一直都知道什麼是官商鄉黑：「係咁吖嘛，係不嬲都係咁呀，我哋一路都知，只係冇咁唔驚俾你知。」
「班黑警係發涉情緒先會咁打班後生，我睇唔過眼㗎！呢啲就係唔專業！冇理由咁打吖嘛！」
司機先生分享了他開著車在路上，跟防暴之間不愉快的經歷，又對比自己開著車遇到有禮貌示威者的經歷：「佢哋好乖㗎，不停同我講唔好意思，又教我點走。佢哋係爭取緊自己本來應該有嘅嘢咋嘛！佢哋上得我車嘅，我一定會安全送佢哋返屋企。」
我又說了一聲：「多謝您！」
「洗乜你講多謝吖，我專業㗎嘛！我隔住個電視睇，同行落去睇個感受都差好遠啦，新聞都真係信唔過。我揸開車都會經過，個心好痛，見住班後生要衝，為咩吖？為咗自己同香港囉！一日最衰都係個政府同班死黑警，仲要打死人呀！15歲浮屍呀！佢哋唔冚家都死哂真係唔得了呀！」
我：「多謝您講出嚟。」
司機先生的語氣很平靜地陳述：「係吖嘛，係良知嘅問題嚟。點可能咁樣做㗎？佢哋唔死哂都收唔到科，香港返唔到去以前，班後生咁樣被佢哋拉、又打喎。為咩呀？條命都唔要，為咩呀？青春都唔要，為香港前途呀！我點都撑班後生，但都真係唔敢再睇啲片，我心寒班警察咁都落得到手，真係唔可以再睇。」其實，司機先生已經描述了很多這一兩天內的暴力影片，我深信他只是口裡說不，實際上又有繼續看。
我回應了一句：「我都唔敢睇啦，好心痛㗎。」我也分享了少許我知道的故事。司機先生回應說：「咁你就比我更心痛啦！唉，班後生真係好需要我哋都一齊出嚟。」說著說著，我又開玩笑說：「而家中大唔叫中大，叫暴大㗎啦！」
「唓！係啲人唔夠人講，講道理講唔贏先要小學雞改人名咋！班後生個個都知道自己做緊啲咩。」
我忍著了眼淚：「多謝您！」
「多謝我咩呀？多謝班後生呀。」
簡短的十五分鐘車程，我說了很多句「多謝您」，不單是因為這位的士司機把我安全送到目的地，是因為他一直在做一個有良心的人應做的事，而在這當中，他也在繼續做他專業的工作。我想，堅守自己的專業是我們一班成年人可以在自己崗位繼續要做的事。