Embedded Files
Музей сям’і ў Бердаўцы
Музей сям’і ў Бердаўцы
быў адкрыты ў снежні 2017 года як першы падобнага накірунку ў рэспубліцы. Ініцыятары стварэння – «Беларускі саюз жанчын»
Установа культуры працуе на базе Бердаўскага культурна-дасугавага цэнтра, размешчана ў былым палацы беларускага краязнаўцы і грамадскага дзеяча Аляксандра Дамбавецкага і займае два экспазіцыйныя пакоі на першым паверсе.
Першая экспазіцыя «Мы з вёскі-калыскі»
Першая экспазіцыя «Мы з вёскі-калыскі»
Расказвае пра творчы ансамбль сям’і Парфенчыкаў і яго гісторыю. Менавіта на прыкладзе сямейнага роду самадзейных музыкаў разглядаецца, якой павінна быць вялікая, моцная і здаровая беларуская сям'я. Матэрыялы і экспанаты экспазіцыі знаёмяць з творчымі дасягненнямі, геаграфіяй гастрольнай дзейнасці, узнагародамі, традыцыямі і хобі сямейнага ансамбля
Народны сямейны ансамбль Парфенчыкаў «Мы з вёскі-калыскі» быў створаны яшчэ ў 1985 годзе. Ён уключае ў сябе тры пакаленні сям'і – ад бабуль і дзядуляў да ўнукаў! Узрост удзельнікаў ансамбля - ад 10 гадоў да 60+. Больш за 35 гадоў нязменным кіраўніком калектыву з'яўляецца Аляксандр Генадзевіч Парфенчык. Дэвіз ансамбля – «Без песні хоць трэсні!»
Дарэчы, сямейны калектыў з 1994 года першым у рэспубліцы сярод такіх калектываў уганараваны званнем народнага.Мае Падзячнае пісьмо Прэзідэнта Рэспублікі Беларусь, Ганаровую грамату прадстаўніцтва ААН у Беларусі за распаўсюджванне ідэі сямейнай творчасці, Ганаровую грамату Міністэрства культуры і друку Рэспублікі Беларусь
Экспазіцыя «Пачатак сямейнага жыцця – вяселле»
Экспазіцыя «Пачатак сямейнага жыцця – вяселле»
Прысвечана пачатку кожнай сям'і і размешчана ў другім пакоі. Расказвае пра тое, як у нашым краі праходзіў вясельны абрад у 50-70 гадах XX ст.
Экспанаты – вясельны стол, вясельныя строі, фатаграфіі маладых, пасаг нявесты, падарункі маладым і інш. Праводзяцца абрады, гучаць песні і ў інтэрактыўным рэжыме ўзнаўляюцца больш чым паўвекавыя мясцовыя легенды і паданні
Інтэрактыўныя мерапрыемствы для наведвальнікаў музея
Інтэрактыўныя мерапрыемствы для наведвальнікаў музея
Анімацыйна-тэатралізаваны паказ «Падарожжа ў сямейны дабрабыт» з інтэрактыўнай выставачна-пазнавальнай праграмай «Вясялейка гуляем!» з абрадавымі дзеяннямі «Надзяванне вэлюма», «Цыганы» і інш.
Прагулкі па старадаўнім ландшафтным парку, да мясцовага возера і «мосціка кахання»
Конкурсная праграма на лепшую шматдзетную сям'ю (відэаролік)
Конкурсная праграма на лепшую шматдзетную сям'ю (відэаролік)
Абрад «Надзяванне вэлюма»
(в. Бердаўка Лідскага раёна Гродзенскай вобласці)
Абрад «Надзяванне вэлюма»
(в. Бердаўка Лідскага раёна Гродзенскай вобласці)
Важная інфармацыя
Важная інфармацыя
Час работы: серада-нядзеля - 10.00-19.00 |
Выхадныя: панядзелак, аўторак |
Адрас: Лідскі р-н, аг. Бердаўка, вул. Азёрная, 4 |Тэлефон: 8 (0154) 62-35-19 |
Эл. скрыня: kdcberdovka@mail.ru
Page updated
Google Sites
Report abuse