Заснаваны як гісторыка-краязнаўчы ў чэрвені 1989 г. З 2005 года працуе ў статусе народнага. Складаецца з шасці экспазіцыйных залаў агульнай плошчай 145 кв.м., дзе захоўваецца каля 3 200 экспанатаў асноўнага і дапаможнага фонду, многія з якіх уяўляюць гістарычную, прыродазнаўчую і навуковую каштоўнасць. Дзевяць прадметаў фонду ўключаны ў Музейны фонд Рэспублікі Беларусь. У дзесяці экспазіцыйных раздзелах экспануюцца прадметы працы і побыту, кераміка, адзенне нашых продкаў, старадаўняя мэбля, вайсковая амуніцыя і прадметы салдацкага побыту, кнігі з аўтографамі аўтараў, шматлікія дакументы і фотаздымкі, публікацыі ў газетах і часопісах, матэрыялы перапіскі і г.д.
Заснавальнік і першы кіраўнік музея – Крупа Анатоль Леанідавіч (1955-2020), дырэктар школы, настаўнік гісторыі і грамадазнаўства, краязнаўца.