«СЯДЗІБА ДАМБАВЕЦКАГА ЗАПРАШАЕ»

У былой сядзібе пана Дамбавецкага ўжо некалькі год запар праводзяцца адметныя мерапрыемствы пад агульнай назвай «Сядзіба Дамбаецкага запрашае». Адбывецца гэта дзякуючы намаганням супрацоўнікаў аддзела метадычнай і культурна-масавай работы Лідскага раённага цэнтра культуры і народнай творчасці, работнікам Бердаўскага культурна-дасугавага цэнтра

Апошнія два гады брэндавым мерапрыемствам стаў «Шляхецкі баль у пана Дамбавецкага». На сапраўдны баль пары - жанчыны ў прыгожых строях, мужчыны ў строгіх касцюмах - з’язджаюцца з усіх куткоў Лідчыны і не толькі. Гасцінна сустракаюць гасцей і вядуць усё мерапрыемства Марыя і Аляксандр Дамбавецкія (ужо традыцыйна ў гэтай ролі выступаюць Інэса і Аляксандр Парфенчыкі, работнікі Бердаўскага КДЦ). Музычны настрой задаюць запрошаныя музыкі і спевакі. Кожны новы баль мае сваю непаўторную праграму і абавязковую інтрыгу.

Не прапусціце анонс мерапрыемства сёлета і станьце ўдзельнікам сапраўднага балю!