Rescouantre dei cous de prouvençau – Lorgue, 25 de Mai 2024

Aquesto annado, en mai dóu rescouantre dei cous assouciatiéu, avian decida d’acourda la matinado à la visito de la viloto de Lorgue. Es Doumenico Citro que nous menè pèr carriero e nous dounè bèn d’esplico en prouvençau sus l’istòri d’aquesto ciéuta, passant dei vièis oustau e mounumen ei plaço renouvado.

L’après-dina, èron 10 assouciacien presènto pèr lou rescouantre dei cous de prouvençau. À-de-rèng chascuno a presenta uno animacien de 5 à 15mn seloun ce qu’avien travaia dins sei cous. La sesiho si durbè emé d’enfant vengu de l’escolo Maurin dei Mauro dei Maioun (coumtino, cansoun, danso). Puei fuguèron d’escoulan bèn mai grand representant leis assouciacien de Barjòu, Draguignan, Lorgue, Lou Lu, Lou Muei, Lou Va, Pèiro-fue, Ramatuelo, Taradèu e Trans. Tout acò pèr lou plesi e lou rire, davans un noumbrous publi que si privè pas de pica dei man après chasco prestacien. Osco en tóutei e à l’an que vèn…