లోకం తీరు
భయపడితే భయపెడతారు.
భయపెడితే భయపడతారు.
--- చైతన్య శర్మ 25-Jun-2013
నమ్మకమంటేనే మూఢత్వం
తరచి చూడగా "నమ్మకానికి, మూఢనమ్మకానికి తేడాలేదని" తోస్తున్నది. ఎందుకనగా నమ్మే ప్రతి విషయం మనం మూఢత్వంతోనే నమ్ముతాము.
నిజమో/ అబద్ధమో, ఉన్నాడో/ లేడో, చెయ్యగలమో/ చెయ్యాలేమో, గెలుపో/ ఓటమో ... తెలియనప్పుడే "నమ్మకం" అనే పదం వస్తుంది, తెలిస్తే పై వాటిలో ఏదో ఒకటే మిగులుతుంది.
కనుక నమ్మకమంటేనే మూఢత్వం.
తర్కం లో తప్పు ఉంటే సరిదిద్దండి.
--- చైతన్య శర్మ 12-Dec-2011
వర్తమానం
గతం అనే గవాక్షాన్ని వీడినవాడు
భవిష్యత్తు అనే భారాన్ని మోయనివాడు మాత్రమే...
నేడు అనే నందనవనంలో విహరించగలడు
వర్తమానమిచ్చే వరాలను అందుకోగలడు
--- చైతన్య శర్మ 07-Oct-2011
సన్నాసి....సన్యాసి
చెయ్యలేక వదిలేవాడు సన్నాసి
చెయ్యాల్సిన అవసరం లేదని వదిలేసిన వాడు సన్యాసి
--- చైతన్య శర్మ 15-Jun-2010
తప్పెవరిది ?
తాటి చెట్టు కింద పాలు తాగినా,
వెలయాలి ప్రక్కన తమ్ముడు వున్నా ప్రపంచం చూసేది మరోవిధంగానే ...
--- చైతన్య శర్మ 06-Jun-2010
ఆకలి
ఈ దేవుడికి ఓ పది రోజులు నైవేద్యం పెట్టడం మానేస్తే గాని అర్ధం కాదు పేదవాళ్ళ ఆకలి బాధ.
--- చైతన్య శర్మ 25-May-2010
అమ్మని తలవడానికి ఒక్క రోజేనా?
అనుదినం అమ్మని తలవని అభాగ్యులు ఈనాడైన ఆమెను ఆశీర్వదించమని అర్ధిస్తారని,
ఆమె హృదయాన్ని ఆనందడోలికల్లో విహరిమ్పచేస్తారనే ఆశతో...
--- చైతన్య శర్మ 09-May-2010
ఉంటే...ఉన్నట్టే
ఉంటే విచక్షణ ,
కలిగుంటే క్రమశిక్షణ,
ఉన్నట్టే నీ జీవితానికి రక్షణ.
--- చైతన్య శర్మ 08-Apr-2010
వివేకం
నువ్వు ఏడ్చే ప్రతి ఏడుపు నీలో వివేకం వెలుగొందడానికి ఒక్క నిమిషం ముందువరకే అని గుర్తుంచుకో నేస్తమా !!!
--- చైతన్య శర్మ 08-Apr-2010
తనవశం...పరవశం
మనసు పరవశం చెందడం గొప్ప అని అనుకున్నా!
తనవశంలో లేని మనసు పెట్టే బాధ అనుభవించా!
కనుక మనసు పరవశం కాదు మన వశం కావలి.
అవుతున్నాది!
--- చైతన్య శర్మ 23-Mar-2010