Text Cap XIV

EL RAPTE DE PROSÈRPINA

Siciliae insulae incolae ceteraeque gentes antiquae Cererem, frumenti frugumque deam, Proserpinamque, filiam Iovis et Cereris, magno amore colebant.In media insula est lacus et circa lacum lucus amoenus. Humida terra varios flores gignit et hoc loco perpetuum ver est. Ibi Proserpina a Plutone, qui sub terris apud Inferos regnabat, in nemore prope urbem Hennam sito, rapta est. Pluto Proserpinam in Inferos, sua regna, secum duxit. Interea Ceres, filiam suam frustra quaerens, tandem taedas ignibus, qui ex Aetnae vertice erumpunt, inflammavit omnesque terras maesta peragravit. Noctu flammiferas taedas gerebat; cum sol cetera sidera fugaverat, suam filiam rursus quaerebat. Tandem Iuppiter, Cereris precibus fatigatus, iussit fratrem Plutonem  Proserpinam ex Inferos dimittere. Risit Inferorum rex, at Iovis mandatis paruit. Statim Proserpinam ad se vocavit: "i, Proserpina, ad matrem" inquit "Noli maerere. Tibi inter inmortales bonus vir ero. Ego Iovis frater sum. Huc cum rursus veneris, omnibus imperabis."

Proserpina gaudio exsultans in currum conscendit. Mercurius deus equos agitavit: neque montes neque valles equorum cursum tardaverunt. Cum Ceres, quae ante templum maesta sedebat, currum vidit, accurrit. Proserpina etiam matri obviam cucurrit. Mater filiam longo amplexu tenet totumque diem a doloribus requievit matris et filiae animus. Postea Proserpina alteram partem anni apud Inferos cum Plutone, et alteram partem in terris cum matre sua vixit. Ibi flava Ceres mortales vertere ferro terram docuit, quia iam victum eis silvae negabant.

VOCABULARI

ero: 1a pers. sing. del futur imperfet d'indicatiu del verb sum (seré).

imperabis: 2a pers. sing. del futur imperfet d'indicatiu (manaràs).nolo, nolui (3): no voler. noli és la 2a pers. del sing. de l'imperatiu present. Acompanyat d'infinitiu serveix per fer prohibicions.

matri: datiu. Complement de l'adverbi obviam.

rapio, rapui, raptum (3): raptar. rapta est és la 3a persona del singular del pretèrit perfet passiu ('va ser raptada').

sino, sivi, situm (3): situar.

veneris: 2a pers. sing. del futur perfet d'indicatiu (hauràs arribat).