Şəkərli diabetdə ozonoterapiya və plazmaferez (qan yuma)

Şəkərli diabet xəstəliyinin kompleks müalicəsində plazmaferez (qan yuma) və ozonoterapiya prosedurları medikamentoz terapiyanın effektivliyini artırır, bir sıra hallarda orqanizm üçün zərərli olan kimyəvi preparatların istifadəsini xeyli azaltmağa şərait yaradır.

Qanın təmizləmə metodları olan plazmaferez və ozonoterapiyanın təyini  şəkərli diabet xəstələrinin müalicəsində qan dövranından lipoproteidləri (yağları) ayırmağa, qan axınını, toxumaların oksigen qəbulunu və qidalanmasını yaxşılaşdırmağa, qanda şəkərin miqdarını azaltmağa, şəkər salıcı dərmanlara həssaslığı artırmağa, immuniteti qaldırmağa kömək edir.

Bu müalicə metodlarının istifadəsi diabetin ağırlaşmalarının, ilk növbədə amputasiyaların qarşısını almağa şərait yaradır, xoraların sağalmasını yaxşılaşdırır.

Obyektiv olaraq arterial təzyiqin normallaşması, artıq çəkinin azalması, göz dibi və angioqrafik göstəricilərin yaxşılaşması müşahidə olunur.

Plazmaferez və ozonoterapiya istisnasız olaraq xəstənin bütün orqan və sistemlərinə müalicəvi təsir göstərir, diabetli bir insanın həyat keyfiyyətini əhəmiyyətli dərəcədə yaxşılaşdırır. Xəstələrdə  görmənin artması, ayaqlarda keyləşmənin azalması, baş ağrısı və diskomfortun itməsi, iş qabiliyyətinin artması, yuxunun yaxşılaşması müşahidə olunur.

Qanın ekstrakorporal (qan dövranından kənar) detoks metodu olan plazmaferez (“qan yuma”) orqanizmin hüceyrə səviyyəsində təmizlənməsinə şərait yaradır.

Metodun mahiyyəti qanın duru hissəsi olan plazmanı (qan zərdabını) qan dövranından hissəvi xaric etməkdir. Qanın maye hissəsi (plazma) onun tərkibində olan bütün patoloji məhsullarla (zülallar, lipidlər, hormonlar, toksinlər, antigenlər, antitellər, immun komplekslər) birgə qandan ayrılır. Çıxarılan qan zərdabı plazma əvəz edən məhlullarla kompensasiya edilir. Beləliklə, qan təmizlənir, orqanizm cavanlaşır.

2-ci tip kateqoriyalı şəkərli diabet xəstələrində lipid (yağ) mübadiləsinin pozulması aterosklerozun sürətli inkişafına səbəb olur. Şəkərli diabet xəstələrində dislipidemiyanın ən çox rast gəlinən variantı triqlisiridlərin, aşağı sıxlıqlı lipoproteidlərin (“zərərli xolesterinin”) səviyyəsinin artması və yuxarı sıxlıqlı lipoproteidlərin (“xeyirli xolesterin”)  səviyyəsinin enməsidir. Bu da aterosklerozun proqressivləşməsinə, ağırlaşmaların və trombozların inkişafına şərait yaradır. Dislipidemiyası olan şəkərli diabet xəstələrinin əksəriyyəti insulinə rezistentdirlər, bu hal xəstəyə şəkəri mümkün qədər azaltmağa imkan vermir.

1-ci tip şəkərli diabet xəstələrində autoimmun mexanizm plazmaferez metodlarının aparılmasına göstərişdir.

Qanın ekstrakorporal təmizləmə metodlarının təyini lipid mübadilə pozğunluğu olan şəkərli diabet xəstələrinin müalicəsində qan dövranından lipoproteidləri ayırmağa, qanın reologiyasını (qan axınını) yaxşılaşdırmağa, dərman preparatlarının o cümlədən şəkər salıcı medikamentlərə həssaslığı artırmağa, insulinə rezistentliyi aradan qaldırmağa kömək edir. Müalicə və profilaktikaya ehtiyacı olan ağırlaşmalar diabetik ayaq, nefropatiya, nevropatiya, diabetik retinopatiyadır.

Müəllif Şükürov Mehman.

Materiallardan istifadə edərkən müəllifə istinad olunmalıdır.

Plazmaferez haqqında daha ətraflı.

Klinikamızda diskret sentrifuqalı və membran plazmaferez prosedurları, orqanizmə yerli və sistem təsir göstərən ozonoterapiya prosedurları aparılır.

Plazmaferez və ozonoterapiya  prosedurlarının aparılmasında birdəfəlik istifadə üçün nəzərdə tutulmuş materiallardan istifadə olunur. Prosedur zamanı qanın və istifadə olunan steril məhlulların bu materiallardan əlavə heç bir kontaktı olmur. Ona görə də prosedur vaxtı hemokontakt infeksiyalara yoluxma ehtimalı yoxdur. 

Plazmaferez və ozonoterapiya  prosedurları və qiymətləri barədə daha ətraflı.