Ozon, oksigen qazı ilə müalicə
Qanın təmizlənməsi
və qiymətlər
MedAura Medical Center
Dr. Mehman Tel: 050 790 69 01
Embedded Files
Ozonoterapiya nədir?
Ozon terapiyası - ozon qazı ilə qeyri medikamentoz müalicə
Ozon terapiyası - ozon qazı ilə qeyri medikamentoz müalicə
Müasir təbabətdə xəstəliklərin müalicəsi və qarşısının alınması, orqanizmin həyat gücünün yüksəldilməsi məqsədi ilə daim effektiv, təhlükəsiz və yeni müalicə metodlarının axtarışları aparılır. Belə proqressiv müalicə metodlarından biri də ozonoterapiyadır.
Təbii, dərmansız, fizioterapevtik müalicə metodu olaraq ozonoterapiya nəinki xəstəliklərin müalicəsinə şərait yaradır eləcədə orqanizmin ümumi statusunu yaxşılaşdırır, dərman müalicəsinin təsirini tamamlayır, ən əsası xəstəliklərin qarşısının alınmasına, orqanizmin sağlamlaşmasına və cavanlaşmasına, vaxtından əvvəl qocalmanın qarşısının alınmasına xidmət göstərir.
Ozonoterapiyada tibbi ozondan istifadə olunur. İstifadə olunan ozon-oksigen qarışığı 0,05% - 10% ozondan və 99,5% - 90% tibbi oksigendən ibarət olub, güclü müalicəvi və profilaktiki təsirə malikdir.
Ozon nədir?
Ozon nədir?
Ozon (O3) - (yunanca “qoxuyan”) oksigenin aktiv forması olub, atmosferdə günəşin ultrabənövşəyi şüalarının və elektrik boşalmalarının oksigenə təsiri nəticəsində yaranır. Ozon Yerdə həyatı ultrabənövşəyi şüalardan qoruyan təbii faktordur. Ozon oksidləşdirici xüsusiyyətinə görə oksigendən 16.5 dəfə aktivdir, buna görə də orqanizmi oksigenlə daha yaxşı zənginləşdirir. Klinik praktikada ozonun kiçik konsentrasiyalarından istifadə olunur, bu diapazonda ozon terapevtik maddə kimi təsir göstərir.
Ozon oksigen qarışığını qana yeritdikdə orqanizmin bir sıra kaskad biokimyəvi proseslərinin isə salınması və ya aktivləşməsi baş verir. Buna görə də ozon oksigen qarışığını qəbul edən insan güc, enerji gəlişi hiss edir, yorğunluq gümrahlıq hissi ilə əvəz olunur. Bu hal ildırımlı, yağışlı havadan sonra meşədə gəzən hər kəsə məlumdur. Təmizlik, yüngüllük, təravətlilik hissini havada olan ozon molekulları yaradır.
Ozonoterapiya necə təsir göstərir?
Ozonoterapiya necə təsir göstərir?
Ozonun terapevtik dozaları insan orqanizminə geniş diapazonlu müalicəvi təsir göstərir. Ozon molekulları hüceyrə və toxumalara seçici təsir göstərir, orqanizmin orqan və toxumalarını zədələmir, əksinə olaraq onları enerji ilə təmin edir. Orqanizmdə normada həll olunmuş ozon var, buna görə də onun terapevtik dozalarda istifadəsi tam təhlükəsizdir.
Ozonoterapiyanın əsas klinik effektlərindən biri qanın reoloji xüsusiyyətlərini yaxşılaşdırmasıdır: mərkəzi və periferik qan dövranı, mikrosirkulyasiya yaxşılaşır; damar divarlarının elastikliyi bərpa olur; eritrositlərin deformasiya qabiliyyəti artır, adgeziv (yapışma) xüsusiyyəti zəifləyir və onların kapilyarlara keçməsi yaxşılaşır; qanın qatılığı azalır.
Ozonoterapiya orqan və toxumalara antihipoksik təsir göstərir (oksigenin hüceyrələrə çatdırılması və onun utilizasiya prosesləri yaxşılaşır). Ozonun iştirakı ilə eritrositlər oksigeni 10 dəfə çox özünə birləşdirə və daşıya bilir, buna görə də ozonoterapiyadan sonra qanın rəngi al-qırmızıya doğru dəyişir. Ozonoterapiya oksigenin qəbulunu, daşınmasını, qanın reoloji xüsusiyyətlərini, qanın qələvi turşu tarazlığını yaxşılaşdırmaqla orqanizmə hiss olunacaq antihipoksik təsir göstərir. Qanın oksigen alma qabiliyyəti ozonoterapiya kursundan sonra da 5-6 ay ərzində yüksək olur.
Ozonoterapiyanın əsas klinik effektlərindən biri də orqanizmə antioksidant təsir göstərməsidir. Ozon sərbəst radikalları neytrallaşdıraraq orqanizmi onların zədələyici təsirindən qoruyur, toksiki oksidləşmə məhsullarının əmələ gəlməsinin qarşısını alır.
Qan yaranma stimullaşır.
Qanın detoksikasion (zərərli birləşmələrdən təmizlənmə) potensialı qalxır.
Bütün növ bakteriyalara, viruslara, göbələklərə və ibtidailərə məhvedici təsir göstərir.
İltihab əleyhinə təsir göstərir; ümumi və yerli müdafiə sistemlərini (immuniteti) stimullaşdırır, orqanizmin şiş əleyhinə rezistentliyini artırır.
Toxumaların qidalanmasını, regenerasiyasını yaxşılaşdırır; yaraların epitelizasiyasını və sağalmasını intensivləşdirir.
Bioloji substratların (karbohidratlar, zülallar, lipidlər) mübadiləsini gücləndirir; bioloji aktiv maddələrin (aminturşular, vitaminlər və s.) hüceyrələr tərəfindən toplanmasını aktivləşdirir.
Analgetik (ağrıkəsici) təsir göstərir (xroniki ağrılarla müşayət olunan xəstəliklərdə).
Qaşınma əleyhinə, yuxugətirici, stres əleyhinə, sedativ (sakitləşdirici) effektləri reallaşdırır.
Qaraciyər hüceyrələrinin funksional vəziyyətini yaxşılaşdırmaqla qaraciyərin detoksikasion (zərərli birləşmələrdən təmizləmə) funksiyasını artırır; böyrək filtrasiyasını (sidik ayrılmasını) yaxşılaşdırır.
Ozon-oksigen qaz qarışığının təsiri nəticəsində qanın rəngi al-qırmızıya doğru dəyişir. Ozonun iştirakı ilə eritrositlər oksigeni 10 dəfə çox özünə birləşdirə və daşıya bilir.
Ozonoterapiyanın effektivliyi
Ozonoterapiyanın effektivliyi
Ozondan müalicə məqsədi ilə istifadə medikamentoz terapiyanın effektivliyini artırır, bir sıra hallarda orqanizm üçün zərərli olan kimyəvi preparatlardan imtina etməyə və ya onların istifadəsini xeyli azaltmağa şərait yaradır.
Ozon qana yeridildikdə qaraciyər və böyrək hüceyrələrinin fəaliyyətini yaxşılaşdırır, intoksikasiyanı tez və effektiv şəkildə aradan qaldırır, orqanizmə zərərli təsir göstərən maddələri, sidik cövhərini, xolesterin və şəkərin artığını birləşdirərək xaric edir, kiçik arteriya və kapilyarlarda qan dövranını yaxşılaşdırır, qanı oksigenlə zənginləşdirir, orqanizmdə pozulmuş tarazlığı bərpa edir, orqanların fəaliyyətini yaxşılaşdırır. Nəticədə yorğunluq, apatiya və baş ağrıları keçir, daxili orqanlarda diskomfort hissi itir, yuxu normallaşır, ümumi səhhət, yaddaş və diqqət yaxşılaşır, iş qabiliyyəti artır. Ozonoterapiya ətraf mühitin xoşagəlməz faktorlarına qarşı orqanizmin müqavimətini artırır.
Dərinin tonusda sağlam və cavan qalması üçün, onun immun, baryer, nəm saxlayıcı, reperativ (bərpa) funksiyalarının yaxşılaşması üçün ozonoterapiya unikal vasitədir. Ozonoterapiya dərinin təbii gözəlliyini bərpa edir, mimik qırışları hamarlaşdırır, elastiklik və turqoru yaxşılaşdırır, dəri ağardıcı effekt əldə edir.
Bu məqsədlə ozonlaşdırılmış zeytun yağından da istifadə olunur. Ozonlaşdırılmış bitki yağı kosmetoloji, dəri xəstəliklərinin müalicəsi məqsədi ilə xaricə və qastrit, mədə xorasının müalicəsi məqsədi ilə daxilə qəbul üçün xüsusi konsentrasiyalarda klinikamızda hazırlanır.
Ozonoterapiyanın orqanizmə gediş diapazonlu müsbət təsiri var. Əks göstərişi azdır, əlavə təsiri praktik olaraq yoxdur. Ozonla müalicə bütün yaş kateqoriyalı xəstələr tərəfindən yaxşı qəbul olunur.
Ozonoterapiya harada istifadə olunur?
Ozonoterapiya harada istifadə olunur?
Ozonoterapiyadan təbabətin bütün sahələrində bir çox xəstəliklərin və patoloji halların müalicəsində istifadə olunur; allergiyalar, şəkərli diabet, bronxit və astma, revmatizm, qaraciyər, mədə və bağırsaq xəstəlikləri, ürəyin işemik xəstəliyi, hipertoniya, ateroskleroz, qan dövranı pozğunluğu xəstəlikləri, xroniki yorğunluq, zəifləmiş immunitet, depressiya, yaddaş və diqqət pozğunluğu, osteoxondroz və yırtıqlar, miqren, LOR və göz xəstəlikləri, cərrahi xəstəliklər, travmalar, əməliyyatdan sonrakı reablitasiya, trofiki yaralar, artroz və artritlər, virus infeksiyaları (hepatit B; C, herpes, toksoplazma, sitomeqalovirus və s.), allergiyalar, cinsi sfera xəstəlikləri və sonsuzluq, seksual aktivlik və potensiya pozğunluğu, hamiləlik dövrü, dəri xəstəlikləri (ekzema, psoriaz, dermatitlər və s), kosmetologiya (səpgili sızanaqlar, alopesiya, sellülit, lokal lipodistrofiya (ozon lokal olaraq piyləri parçalayır və arıqlamanı təmin edir) və s.).
Hipoksiyanın (oksigen çatışmazlığının) ozonoterapiya ilə müalicəsi
Hipoksiyanın (oksigen çatışmazlığının) ozonoterapiya ilə müalicəsi
Ozonoterapiya oksigeni qəbul etməsini, daşınmasını, qanın qatılığını, qanın qələvi turşu tarazlığını yaxşılaşdırmaqla orqanizmə hiss olunacaq dərəcədə antihipoksik təsir göstərir. Qanın oksigen qəbul etmə qabiliyyəti ozonoterapiya kursundan sonra da 5-6 ay ərzində yüksək olur.
Hamiləlikdə hipoksiyanın (oksigen çatışmazlığının) ozonoterapiya ilə müalicəsi.
Hamiləlikdə ozonoterapiya
Hamiləlikdə ozonoterapiya
Ozonoterapiya hamiləlik zamanı bir sıra patologiyalarda istifadə olunur. Prosedurlardan sonra hamilələrin iştahası artır, yuxusu normallaşır, təngnəfəsliyi və oyanıqlığı azalır. Anemiyanın, toksikozların, xroniki infeksiyaların, düşük təhlükəsinin, dölün inkişafdan qalmasının klinik gedişinə müsbət təsir göstərir.
Ozonoterapiyanın metodları
Ozonoterapiyanın metodları
Xəstəlikdən asılı olaraq ozonoterapiyanın orqanizmə yerli və sistem təsir göstərən müxtəlif metodlarından istifadə edilir. Ozonoterapiyanın sistem təsirli yəni bütün orqan və sistemlərə kompleks təsir göstərən metodları ozonlaşdırılmış fizioloji məhlulun vena daxilinə yeridilməsi və ozonla autohemoterapiyadır.
Ozonlaşdırılmış fizioloji məhlulun vena daxilinə yeridilməsi metodu geniş istifadə olunur. Bundan əlavə ozon oksigen qarışığını yerli olaraq dərialtı, əzələdaxili, rektal, vaginal, oynaq daxili və ətrafı, ozon kameraları şəklində dəriüstü (bağlı mühitdə qazlaşdırma), materialları (distillə edilmiş su, bitki yağı) ozonlaşdırmaqla xaricə və daxilə istifadə etmək olar.
Potologiyadan asılı olaraq plazmaferez və ozonoterapiya prosedurları yanaşı aparıldıqda müalicəvi təsir daha effektli olur.
Müəllif Şükürov Mehman.
Materiallardan istifadə edərkən müəllifə istinad olunmalıdır.
Plazmaferez nədir?
Plazmaferez nədir?
Plazmaferez qanın ekstrakorporal (orqanizmdən kənar) təmizləmə üsuludur. Onun mahiyyəti tərkibində zəhərli və metabolik maddələr olan, xəstəliklərin səbəblərinin daşıyıcısı olan plazmanın qandan ayırmasından ibarətdir.
Qan formalı elementlərdən və plazmadan ibarətdir. Plazmaferez proseduru zamanı plazma ayrılır və qan hüceyrələri plazma əvəzedici məhlullarla birlikdə xəstənin qan dövranına qaytarılır.
Plazmaferez prosedurundan sonra zərərli zülalların, lipidlərin, hormonların, toksinlərin, antigenlərin, immun komplekslərin plazma konsentrasiyası azalır.
Ozonoterapiya və plazmaferez prosedurları, qiymətləri
Ozonoterapiya və plazmaferez prosedurları, qiymətləri
Klinikamızda diskret sentrafuqalı və membran plazmaferez prosedurları, orqanizmə yerli və sistem təsir göstərən ozonoterapiya prosedurları aparılır.
Plazmaferez və ozonoterapiya prosedurlarının aparılmasında birdəfəlik istifadə üçün nəzərdə tutulmuş materiallardan istifadə olunur. Prosedur zamanı qanın və istifadə olunan steril məhlulların bu materiallardan əlavə heç bir kontaktı olmur. Ona görə də prosedur vaxtı hemokontakt infeksiyalara yoluxma ehtimalı yoxdur.
Plazmaferez və ozonoterapiya prosedurları, qiymətləri barədə daha ətraflı.
Page updated
Google Sites
Report abuse