3.3. Nerbio-sistemaren antolaketa
Inguruneko informazioa jaso, zentralizatu eta prozesatzeaz arduratzen da nerbio-sistema. Aktibitate metabolikoen eta organoen kontrola koordinatzea eta ingurumenarekiko harremanari eustea da beraren funtzioa; baita emozioak kontrolatzea ere.
Beste osagai batzuk dituen arren, neurona deritzen zelulez osatuta dago batez ere. Bi parte nagusi ditu:
- Nerbio-sistema zentrala: entzefaloak eta bizkarrezur-muinak osatzen dute.
- Nerbio-sistema periferikoa: nerbio kranialek eta espinalek osatzen dute, eta gorputz osora hedatzen da.