شعراء أمارة عبادة

مو كلمن يسولف بالمضايف شيخ

للحچي المعدل خاصه الشمره

ومو ياهو الي يركب عالمهر خيال

كو يركب لچن يوگع بلا عثره

ولا تطغه انصحك والعن الشيطان

تره الدنيه جسر كل واحد يعبره

................................................................................................

نا الرشيت ثوبي بنكهة البارود

انا ابن العاركن موش ابن المشنيات

انا بجيبي سوالف غزرن ببليس

عله اهلهن طالعات وحيل مملوحات

انا من اختاض رجلي تهوس على الغيم

انا الخليت اثر بأكصص الغمان

انا الذكري تعلكَــ فوكَــ خشم الريل

انا ابن الفهد الهوسوا (ها ) ريلكم مافات

انا ابن القرت بيت اعله الولد من طاح

واسمع هوست امي اطراكَــ للشمات

(ابني المضغته الباورد مفطوم اعله سركَيها

يغم راي التجيب هدال وتكمطه اعله رجليه .

..الحاج علي الفهد العبادي

.................................................................................................

طبع البروحي طبع البروح الشموع ... تضوي للناس بضواها وهيه ويه ضيها تموع...

تصرخ بأهات خرسه وصوته محد يحسه...تكابر وتدري المكابر اله بس كت الموع..

طبع البروحي طبع البروح الشموع.ياشمع بس اني ونته اهمومنه نفس الهموم ...

ياشمع كل لليل رايح لاتضن ضلمه يدوم... ياشمع لملم جروحك ولصبر اجمل

طبع... ولصبر اجمل طبع

الحاج علي الفهد العبادي

6-27-2016

...................................................................................

ُُقصيده للحاج علي صابر الفهد العبادي

...................................

عبادي وبلشجاعه والكرم معروف=يشهدلي التاريخ وجداده

كل من يرجع لاصل اجداده=راعي الشرف يشرف ولانذال يخسون

وعبادة مـن الاصايـل الـمـدادة = الضعف والنذالة والخسي ما يدانـون

ايـام الطـيـب عنـدهـم عــوادة = وما صفاتهم الكذب واللئم ومايعرفـون

اللي ينذل معهـم يقفـوا لـو سـدادة = وبحـذر شديـد وخـوف مايعانـون

واللي يلجأ للعبادي يرتكـي بالوسـادة(لوضاع اصلك كول عبادي )

يعجبـون بشجاعتهـم ساعه الكون=

تشهد ثورة العشرين بيوم الكون سطرو اروع بطولات الشهاده

ومـن صفاتهـم الـوفـا بالـوعـادة = ثمن عمرهم ومهما صار ما يخونـون

ومن قمة الصفـات المرجلـة شـدادة = ومابيهم الخـذل لـو دمهـم يبذلـون

والكـرم والطيـب ماخـذينه من جدهم عباده

والبخل عندهم مستحيل بس يكرمـون الضيف وكذب من كال باعو شنانك عبادة

الكرامـة عنـدك عجيل السـيـادة = وان ضاعت يستردوها لو يجرمـون

الشهامـة عنـد العبادي جــوادة = وبطيب الخلق وحسن الادب عباده

للسلم مايتركونـه بـدادة = وعلى ذلات الجبان والفاجر يصبرون

وصفاوت كلوبهم امكنهـم مـن نـاده= وباحلى الخصال الامير الحسن العبادي يتمتع اليوم

كـل القبايـل تاكـد لهـم بالسيـادة = وبكـل خصـال عبادة يشهـدون

عجيل يشـارك بمواضيـع عـدادة = ولو كان صلـح او حـرب يفـوزون

ولو اخـذ حـق قـام وشـد وتـادة = ياخذونـه ومـا يمكـن يتخـاذلـون

العبادي دايـم علـى كلمـة وحـادة = القبايل تشهد لهـم بالطيـب وزيـادة

الحاج علي الفهد العباديhttps://www.facebook.com/3geel3badh

----------------------------------------------------------------------

نسيت اسمي الرباعي من شفتها

عسل من تضحك ينكط من شفتها

يريتني بجفها اصبح من شفتها

ومسح دموعها بثنين اديه

امس بالليل شخصك سالماني

ومن فرحتي بشوفتك دمعي سالماني

كون انت تبقى بخير صدك سالم اني

لان كلبك من يدك دكاته ليه

اعد نجوم ليلي والله اعدهن

وبالي الوكت كله والله عدهن

حضنت كليبي وماقبل الا عدهن

يبات الليل ويتسامر شويه

كلبي سنين بعدك مات ملها

وروحي ايام سعدك ماتملها

اريد انصب لروحي ماتم الها

واجيبك للعزا وتبجي عليه

لسانك لو يحبني شاطراني

وكرهت اللي بحبك شاطراني

خذت ميهبمحبتك شاطر اني

اذن غصبا عليك تصير اليه

يهل ناديت بسم هواي عيده

ويهل ماخذ دليلي وياك عيده

الكلب حزنان مو هاليوم عيده

عنده العيد من نكعد سويه

لغيرك مايدك كلبي سوا لك

هجرته سنين متكلّي شسوالك

عليه بالجذب مامر سؤالك

عدل ميّت مافكرت بيّه

ادك باب اليكرهك واشتمنّه

واشيل تراب جدمك واشتمنّه

كول اامر حبيبي واشتمنه

حاضر لو ردت روحي هديّه

بعدني وياك بالعشره ولازال

وحبك بالكلب ثابت ولازال

وحك الله صادق بحجيي ولازال

اضل وياك لاخر نفس بيه

يغالي الدهر بجفاكم بلانه

وقدر مكتوب من الله بلانه

شلون تنام يالغالي بلانه

واحنا سنين بالعشره سويه

انا الغدر ياحلوه مو طبعي

وجمالج بالكون والله مو طبيعي

من شفافج السكر موطه بيعي

و10موطات حاجزهن اليه

حبك سره بكل عضاي دوره

عزيز والك بالشريان دوره

اذا شكّيت هاك الكلب دوره

واذا لكّيت غيرك اعتب عليه

افرح لو شفت وجهك واسر بيه

وحبك بالكلب ثابت واسر بيه

شماطال الدرب امشي واسر بيه

واجيب الروح لعيونك هديه

خلص دمعي بغيابك دمعه دمعه

وتضل دش لحياتي صافي دمعه

كل الناس طابوكه وانت دمعه

فدوه يروحلك حتى الثريا

ذبت وبنار فكدك مايع اني

ويعاني الكلب منك مايعاني

لون تطلب اهديلك ماي عيني

الكلب والروح اقدمهن سويّه

خناجر لاتحد ليه وانا سيف

وغلطه مابدر مني وانا اسف

اصير حزام تي ان تي وناسف

افجر الكون بس تزعل عليه

وحك الله وسماه السبع وارضه

احبك مايهمني الزعل وارضه

عشرتي وياك عشرةخشب وارضه

ياكلني ويظل يعيش بيه

نشم عطرك يغالي من هوانه

ونحب كلمن يحبنا ومن هوانه

شتظن اكدر اعوفك منهو انه

لون عفتك مصيبه تحل عليه

اكتبلي شماردت تكتب واردلك

ازعل وابتعد وارضى واردلك

بساتين بوسط كلبي ورد لك

شما تبعد تظل غالي عليه

سكاني الدهر من فركاك بس مر

واشهد ماشفت انا بدنياي بس مر

رمش عيني افرشه بساط بس مر

تردلي الروح من تسأل عليه

راس المال انت والتجاره

علك العين تدمع وتّجارى

عونه الصار جارك وانت جاره

ويشوفك كل صباح وكل مسيه

احبك من عهد بابل وسومر

وكلبي من القهر مولح وسومر

عجب تشرب جكاير بابل وسومر

وانا جيس التتن حصره عليه

وهاي كم زهيري لعيونكم

جفت بحور العدا وماجفت عيونك

راعيتهم ياوطن هيهات باعونك

احنا رجالك بوكت لازمت عيونك

منبدلك بالذهب مليون طن وطن

راياتنا بالسما مايوم ذلّن وطن

ابشر بكرب النصر عندك زلم ياوطن

تنطح رصاص العدو وتموت لعيونك

ياصاح شوف الوكت شلون بينا جار

جنا اسياد الرب ونجير كلمن جار

انلبت علينا عكس فتنه ومذّله وجار

واصبحنا نمشي بوجل والفكر مو عدنا

يخوان شدّو العزم الجنه موعدنا

صبرا لكل نذل قريب موعدنا

لازم نذل الطغى ونأدبك ياجار

تخزرني خزرة غضب ترفع علي حاجبك

وارد اسألك يابشر عني منو حاجبك

البدى وياك بوفى مو مصلحه وحاجبك

ياصاح اني اعتبر حبك اليه ملك

تلعب عليه لعب مايوم كلبي ملك

وفوك الشر ياترف صرت بجمالك ملك

ومادام انت الملك خليني انا حاجبك

الحاج علي الفهد العبادي

==============================================================

حي الرجال اللي لهم فعـل بالطيـب

أهل الكـرم والطيـب وأهـل الشهامـة

اللي تخـاف الله وتـدرى مـن العيـب

وتـدرى مـن الـزلـة وتــدرى المـلامـة

مثـل الصـقـور معكـفـات المخالـيـب

دايــم تـعـلـى فـــوق روس الـعـدامـة

لا جوهـم الضيفـان يلـقـون ترحـيـب

ولـضـيـوفـهــم يــقــدمــون الــكــرامـــة

نعم الرجـال اللـي تعـرف المواجيـب

يـلـقـى الـمـعـزة ضيـفـهـم واحـتـرامــه...

لا جاهم المحتاج خالي من الجيب

يدعـي لهـم مـن طيبـهـم بالسـلامـة

في قربهم تبرى الجروح المعاطيـب

وفـي شورهـم مـا تغتشـيـك النـدامـة

خـذوا مـن الدنيـا دروس وتجـاريـب

مـجـنـيـن اهــــل الــــرداء والـرخـامــة See More

نعيد امجاد الامارة من جديد \\\ وحنة عصاة موسى البلعت العربيد \\\ احنة المايبعد علينة ابعيد \\\ انكص عودة الخاين عرجة \\\

مازن العبدي

عشرة هالوكت صارت مصالح ليش غريبة اتغيرت ياوسفه مدريها التحية وتعتقد شاريك بالروح اذا مصلحتة خلصت باع تاليها مثل كلبي اعتقد ضنيت كل الناس احب الناس كلها وكلبها اداريها اثاري اني غشيم وكلبي غلطان لذالك مااعيد الغلطة وثنيها راح اترك الطيبة وانسا كل الراح وابدا من جديد وروحي اباريها واحاول بلكي اعوض مني مافات وصفحات المضت فدنوب اطويها

......................................

الـــــخوه أتريد واحد يبعدلهه الشوف

ولا يحجي امراوغ يحجي بالمكشوف

وذا ظكهم وكتهم ما يظل مــــــجتوف

يشيل الحمل كله ويحجي بالمعروف

الخــــوه اتريد اليتعب ويدور الزينـــــه

الحاج علي صابر الفهد العبادي منقول

.....................................................................................................................................................................................................

يمر افراكك على كلبي ألف عام

وعلي اليوم بغيابك بألف عام

خويي وعهد مني ما بدلك بألف عام

شبدلك ونته أعز من روحي عليه

...................................................................................................................................................................................................

طبع البروحي طبع البروح الشموع ... تضوي للناس بضواها وهيه ويه ضيها تموع...

بأهات

خرسه وصوته محد يحسه...تكابر وتدري المكابر اله بس كت الموع...ياشمع بس اني ونته اهمومنه

نفس الهموم ...ياشمع كل لليل رايح لاتضن ضلمه يدوم... ياشمع لملم جروحك ولصبر اجمل طبع...

ولصبر اجمل طبع

الحاج علي الفهد العبادي

6-27-2016

الامير الحسن تسمحلي اهوسلك واسولف بيك ...

ولو ما كاعد انة وياك بس الطيب دل اعليك. ...

المثلك للحجي شراي وانة لغيرتك شاريك. ...

المثلك شفته بصيته ومنهم يمي وما ينشاف. ..

انه انشر صحيح واكتب اهـــواي

بس وداعتك من اكتب بغايــــــه

انا شمانزلت منشور ماينعــــاف

وبقت كل البشر تتعجب ورايــــه

على التعليق كلها اتكلي روعات

وتكلي استمر واصل للنهايــــــه

طبع بيه الانشره يفرح اليقـــرون

بحيث الصفكه تطلع بالقرايــــــه

جْثُيَرَ اُهلُاآ وَسُِهلُاآ بّيَكِ يَاحُيَاكِ

دِمٌيَ فَوَكِ دِمٌكِ وَبّلٌُخوَُه وَيَاك

شِلُتْ اُهمٌوَمٌ مٌنَيَ وَشِلُتْ ُهمٌ وَيَاكِ ُها ُها اُها وَجْايَ اتْْعازُيَنَُه اُهلُاآ يَلُتْشِرَكِ بّلُُهمٌِ

انا ابن الكصب والطين والتنور

اشم ريحة مسج من ريحة البردي

أنا الهور عندي يسوى اسطنبول

أنا ابن العماره الماخنت وعدي

وظل عين

اصيرن جفن لعباده وظل عين

واظل بالشده واكفلك وظل عين

ست اعظام اكسرلك وظلعين

سويهن جسر واتمر عليه

تحجي بظهري ليش سوي روحك زين

معروف الحجي للزلم طك بطك

تعال كبالي سولف كون عندك راي

بس هسه الكصص ياوسفه ماتعرك

انه موش تله بسع يهزني الريح

جبل والجبل عالي بعمره مادنك

أمي شجرة ومايهة ترباة ابوي

وعشعشن عفة وشرف باغصانهة

امي من تغندب توقع شيصير

تغندب الجنة وتسد بيبانهة

امي راية وتختلف راية ظماير

امي ياعفة وشرف طاري العشاير

امي من تنگل جدمه..................

دخيل جده ترابها يخظر مناير.......

امي من اشتاگ لله.........................

امشي اطوفنهة انحسب عد الله زاير.........

امي ياأول فرد صارت رئاسة

امي من تحچي وعلي تخرس السياسة

امي ندين بگلبهة شايلة الحب والشراسة

وجنة الله تحت جدم الأمهات

واليريد الجنة منكم خلي امه تدوس راسة

الگاع تحسدني اعله هيبة مستحاي..

اضحك بوجه اليحط سيفه بگفاي..

ما تهزني السالفه الما بيها روح..

أمدح اليكرهني ويسولف وراي

اضمك بيدي محبس عن العيون

وخلي الكاع تهتز لو صحت بات

يل بيك اني اباهي الناس والكون

واحسك بالكلب تحسبلي دكات

من شفتك لكيت الدنيا شي غير

واتحسف اعلة عمري بدونك الفات

اعترف لولاك مااظن خطوة خطيت

ولادمعاتي صارن هسة ضحكات

نسيت الحزن كلة البي تغطيت

ومسحت الدمع ذاك الجان روجات

لكيتك كلب دافي وتسكن الروح

يااغلة الغوالي العدل والمات

الحاج علي الفهد العبادي

.........................................................................................................................

اذا طبعك طناطل انه طبعي الذيب

الذيب اعله الطناطل دوم صاگرهن

وذا طبعك حيايه العصه حد يمناي

وذب ثعبان موسى بريجي ابلعهن

لاتگرب بحر لو تدري رعبك ماي

انه بروجة افكاري شطبن اگلبهن

ليغرك ضواك بسد ضواه انجوم

وحگ ليلي امنصمه انوارك اعدمهن

يضل عرگي نبگ ويطهر الگيعان

عكس عاگول عرگك بار منبتهن

تضن روحك اسد وتخرمش اعضاي

الجلاب شلون ضنت جنها سيدهن

لا تفخر بروحك صرت شمعه ناس

اشموع بلا فتيله يموت منورهن

لا تشد الدله شلون تحضن نار

الدلال اعله الكرم معروف منزلهن

اعرفك ما تحيي الضيف يتعناك

وفناجينك يرگصن گبل صبتهن

العبادي مضيف شيوخ طبعي يصيح حياك

لعد درب اليجيني ضلوعي افرشهن

الوادم بالكرم تشعل النار ادلي

واوج انجوم خاف الما دره يضلهن

ما حاجه النسب لليفخر بذكراه

اليزرع خير يحصد ناس تحمدهن

اليفيي اعله ناسه بسعف السنين

ما ضن جيمه يصبح وكت عازتهن

والبگصته ملح جم جرح يشفيك

الما شايل ملح معروف شامتهن

الحاج علي الفهد العبادي

اخوتي العلي هدو تراهم

الظهر والناس ياصاحب تراهم

بعد مااشوف الي وياهم تراهم

لمن ينطر لحد بالكاع اليه

كبلك شتتو عقلي تراهم

وزدت ونه على الخنسا تراهم

الصكر والبوم ياصاحب تراهم

وانا وياهم فلا تحصل خويه

يصاحب فوك همي ابعثت هملاي

وكلبي من اخوتي اعتقد هملاي

الشفته من اخوتك جره هملاي

لجن حيران بانكار الخويه

هذا البيت بقلمي المتواضع

اخوتك للوكت ضمهم وراهم

تهاب اعداك من تمشي وراهم

هام الكظه ياصاحب وراهم

الجاره شلون يمحبين اليه

اخوتك ذخر للشدات خلهم

ولا تكشف لعند الناس خلهم

جرحك مايطيب بغير خلهم

استرهم لوشفت منهم رديه

اخوتك للوكت ضمهم وخلهم

وصير احزام بالشدة وخلهم

ولو بسيوفهم هدو وخلهم

استرهم لو شفت منهم اذيه

الحاج علي الفهد العبادي

الشيخه تريد واحد للكلافه هديب ...

مو ساعه يجيهه وساعه عنها يغيب ...

كون يهمه امر العشيرة او دوم يحجي ابطيب ....

وللكلافة تلكه اهلها ...

الامير الحسن كلهن بيك

ها ها ها

الشيخه تريد الثابت موش اليهتز وية الريح

من يوم عني رحت بكلبي انصبت فاتحة

وقفلت كلبي انا لغيرك فلا فاتحة

هذا الكلب جلورد وحبك اهو فاتحة

حبك نداوة عسل والورد اخذ منك

بس كول ياهاجري اتمنا انا امنك

لاتمن علي شوفتك ما احب انا منك

الي علية يمن بحبي ولا افاتحة

..............

مابان مني ذنب يا صاحبي كـلي شجرى

تنور صار القلب بيده الحبيـب سجرى

وبالقلب نبت عــود الحـــريق شجره

وخيم علي الحــــزن لافراحـــي هدم

وانت الوريد اللي يضخ للقلب هالدم

ما انساك لا وحــك اللي خلـــق ادم

لان احس انـت الغصن وانــــي شجـره

..............

الناس التودني مع الميتين عدوني

و مكسور كلبي و جميع الناس عادوني

ناديت يهل الهوى بالله عيدوني

أبعدعلينا الدرب والحيل مني أنسلب

ولو ماغلاهم ابد دمعي فلا ينسلب

دنزعي ثوب الفرح يا روحي ريتو نسلب

مو تستاهلين الجرى شوداج على الدوني

..............

يا زين طعم العسل مخزون في شفتك

وروحي ترد علي لولا تهكل شفتك

شفتي تعاسه واسه وصار الفارح شفتك

وكلما ابطل جرح جرحي عليه يعيد

والجان ماصدكت هاك الجروح وعد

صايم ولا افطرت من مر عليه العيد

يصـــــــــــير اعيد وانته هلال ماشفتـــك

..............

يامن غرامك سرى بمفاصلي وحشاي

واصبحت بهواك هايم بالفلا واحشاي

وان غبت عن ناظري ساعة الك وحشاي

گلي الصبر چيف عن فرگاك كلو الوجن

ارحم لصبي شرد بهواك عگله وجن

او آه صح لي ساعة من وصالك وجن

من ورد خدك دوى لمفاصلي وحشاي

..............

مهضوم طول العمر بكل وكت لوعةلي

ومتماشي وية الحجي ان جان الي لو علي

ماهمني ذاك السعة بس فلدرك لوعلي

بس همني ذاك العلة وبقسمتة مرتضة(ما رضة)

ويكلي اميرك فنة وعظامة رض مرتضّة

كتلة انا بشدتي لو مافزع مرتضى

يفزعلي لوابو الحسن لوحيدرة لوعلي

..............

ممنوع عني الفرح ما مرني بس الهم

اعزاز يوم المشو ما نحت بس الهم

اطحن بجمر لبغضا عامات بس الهم

يبقى عهدكم رسم لاوالذي انزل

محكم كتابه وابد عن دربكم منزل

دفان كبل ان تحط اللبن بس انزل

اطبع بشفتي على الخدين بوسه الهم

..............

راح وكســر خاطري ولملم طيوفه وشال

ونهــر المحبـه نشف ظلت جروفه وشال

الزمــن ماعافنـي رد عالـكفوف وشـل

ماعفت حبــك انا كلبـي على حبـك ظل

عالهجر شو تعتنـي عالوصــل دومك ظل

بجتافي اغطي الشمس بالصيف اصيرن ظل

لو مر عليك الشتا لفني على صدرك شال

..............

ياخوي الوكت نوعين بايي زينات والحنظل

عدنا اوقات بـس للخير والزينات والحنظل

وعدنا اوقات ما تنطاك للشينات والحنظل

اريدك تعرف اـوكتين وتزيد الصبر والحلم

واريدك ما يكودك طيف للشينات وانسى الحلم

واريدك بس تصحب الزين وابعد غاد عن الحلم

يحرك خصــن زيتون جي طعم الورك حنظل

..............

مسكين هذا الكلب يا صاحبي مره

يا ما سكاك الشهد ما ضوكك مره

يتمنى كبل الاجل يلكاك ولو مره

بس انته كلبك صخر ما لحظه حنيت

وانه لالك ديرتي بيبانها حنيت

من شفت بيك الالم ظهري الك حنيت

طيبتي يم شوفتك وجهك علي مره

...........................................................................

للذله ابد مادنك الراس.....ماطخن ابد والراس ادنكه.....اكعدت وي ناس كثره وجربت ناس ...واكثرها اطلعت ماتسوه خركه

حتى الجان عنده ذرة احساس.....مسحهه وما بقت بالكصه عركه

والساسه تبن شيعدل الساس........ولا ذرة حنان بكلبه تلكه..........اذا بالدين سولف ماله مقياس

ويطرب لو سمع صوت الدرنكه.....

عملات الغدر لابسهن الباس .......جذاب وابد ماعنده صدكه.........مثل عدنه يكول الساس نداس

والساسه عوج شتحطله دنكه..........ما موجوده خوه اتشيلك راس ........خوة هالوكت ماتسوه طركه....

.والواهس هجرني وصار وهواس........وكمت الطم وصيح وثوبي اشكه......تلاكن بالصدر اسهام الاقواس

مو دم جرحي ينزف كام حركه..........وين الكه اخو يشبه العباس.......وابدل ثوب ثاني وهذا احركه

الشاعر حسين علوان العبادي

................................................................................................................

اگيـد يغـار منـي المـا وصـل صيتـي

ويظـل يگـره ابـوه الشـاف تربيتـي

تـرى الـرايد يذمنـي براحتـه انـي انسـان

مـا اگشـخ بثـوبـي اگشـخ بنيتـي

محمد فاخر ابو طيبه

................................................................................................................................................................................................