لوضاع اصلك كول عبادي

لوضاع اصلك كول عبادي

القصيدة العبادية

لو ضاع اصلك كول عبادي….. الما يعرف معناهه يتيه

مو معناهه لمًه عباده وياهو اليدخلهه تلفيهه

لا… معناهه الضيَع حكه وبعباده اتنخه تغذيه

هاي عباده .. وهذا المعنى .. دور التاريخ وتلكيه

هاي عباده .. وهذا البيرغ بهلاله .. ولونه .. وحاديه

وي فجر الاسلام الاول.. رفرف .. والعزه تغذيه

نبعت من قيس العيلان

وطرًت من شجرة عدنان

وتسمًت منها الفرسان

منهه ( عويمر(1)) كابل عنتر .. وصبح عنتر لاوي عنان

و (اسحاق ابن سويلم (2)) منهه.. الكص راس الوالي الغلطان

و ( مقلد (3)) منهه و ( قرواش ) الشمر للنيبه الذرعان

فرٌت جدامه العدوان

للشام او وصلت حوران

خوان عكيل واهل الشان

و ( عجيل (4)) اسس بنيانه

او وسع للوافد بيبانه

اكطع وسأل هيت وعانه

عباده تكلك ذوله اهلي انه

والبيرغ هذا وعنوانه

طب صفين بهاي الوانه

وضل يوفي الحيدر ماخانه

البيرغ هذا بكل زمانه

اسأل عن وقعات الحله

الشاهد جدامك ترويه

من البحرين لأرض الكوفه

للموصل … بر .. وتطويه

وصهلت بالشام اخيول الهم

والعايل حنظل تسجيه

وموكلمن سموه نسابه

عنده التاريخ اتلاجيه

غش ورشوات وتشويه

كالوا عن عباده .. وكالوا.. عدوان وكتبوا تمويه

ماباعن نسوان عباده (شنان الصابون(5)) التدريه

و(شنان) الخادم .. خافنك تسمع بشنان وطاريه

خالفهن.. والمملوك الهن … ولو خالفهن .. رخصن بيه

سلطانات وتزهي الدنيه … الهن بقصور وترفيه

مايدرن عصات الراعي … تدور.. المنبع تكرش بيه

كشايه اتصير بعين الشط .. وتكصر شوفه وتعميه

تحوف الماي وتحمي الدوله و(الأخضر(6)) .. يابس تدعيه

و(جعفر(7)) ذاك المايتحير من ضاك الشط ضل محتار

غطه طيوره(بكفه(8)) وسار

نصبوا كومه اكلل بريسم … ماعرفوا بالدنيه شصار

وكعدوا شافو وحشه الدار

وحدر الكفه … علمه امخفه .. بطيوره ايوجه الافكار

المابيه ريش ايضل, والعنده اجناح ..ايعينه .. فر.. وطار

وبليل .. اضعون اهل الديره مهيوبه انحدرت حدار

وصار … الصار

وشتت بعباده الأمصار

للأحواز.. ومنه البصره

وحمار .. وغراف وشطره

وكوت ..وحله.. ونجف ..وحيره

ديالى .. وتكريت ..وسامرا

وكركوك وموصل منتشره

بعز تمشي وحاديهم يقره

شايل باس وصاحب جسره

ومتد فيًها غصون الشجره

اطيب ذوق وأثمن ثمره

هاك اسماء افروع وأقره

معروفه اغصون عباديه

(البوناصر) ساده ارفاعيه

ومنها (خزيمات) العلويه

او وسط ديالى السنداويه

(وجحيلات) ابديوانيه

(وحجاج) وعجيل (وغربه) (ويفاته ) وخوة (جيسه )الذرواويه

و(ال دغاغل) منه محمد صل الضيغم بالشبريه

خله اركبته بدم مسجيه

ورد اخته من احواز الذله تهلهل لعراق العزيه

ومنها رهيج عجيل قائد حشد القبائل تلكيه

و(البومشيح ) وصريفيه

ويشهد جامع حاج اطوينه … البصره .. اتغدت بصوانيه

وللمنبر صاير كليه

و(درويش(9)) ابعانه (واركيه )

اركوها على العدوان وسدر بيرغهم يزهي بضهريه

و(ملحان) النجف الدهريه

(وفرحان ) و(ال كاضم ) ومنها ( الفهد) و(العثمانيه)

اهل كطوع ودله ورايه

وتفكه تنومس كل سيبايه

شاهدها أنه وتشهد ليه

(جغانات) و(شكر) و(كدسيه)

و( والبوسليمي) و(العباد) و(جنديل)

وباجي عباده الما منسيه

(أخوة كوشه) البداويه

و(كريزات) و (كوام) و(عبدالله)

بعماره يشهدون و(غره)

و(نجاد(10)) ويل (دفاعيه)

وبالموصل عدنه (الكوسيه)

و(سويري) وي (الجمالية)

(وجعيفر) ذوله الكرخيه

(والبو شتال) على (هلاليه )

وأهل العزه (النصراويه)

(وال فهد الي يعاديهم والله يخف نومه)