KMSAT_Metodologia

Ikerketan Oinarritutako Ikaskuntza (IOI). Inquiry Based Learning (IBL)

Ikasteko eta irakasteko metodo honek ikasleen ideiak, galderak eta analisiak lehenetsi egiten ditu.

• Ikasleek galdera ireki bat edo arazo baten inguruan ikertzen dute. Ondorioetara heltzeko, ebidentzietan oinarritutako  arrazoibidea erabili behar dute eta arazoei erantzuna emango diete sormena erabiliz. Ondorioak defendatu eta aurkeztu beharko dituzte.

• Irakasleek ikasleen jakin-mina orokorra pentsamendu kritikora eta ulermenera bideratuko dute. Ikerketa prozesuan ikasleek galderak egitera bultzatuko dituzte, prozesua noiz hasi eta nola egituratu ulertu behar baitute. Horretarako, ikerketa gidatua, dokumentuen analisia eta galdera-erantzuna saioak antolatuko dira: kasuak aztertu, taldekako proiektuak, ikerketa proiektuak eta landa-azterketak burutuz. Jarduera hauek galdera irekien erantzunak bilatzeko bideratuko dira.

Proiektuetan oinarritutako Ikaskuntza (POI). Project Based Learning (PBL) 

Batetik, ikastetxeak badu proiektuetan oinarritutako ikaskuntzan esperientzia zabala eta mintegien arteko proiektuak antolatu ditu, adibidez, Berdintasun proiektua, Espazio Astea, Kutxa Magikoa...

Bestetik, nazioarteko saretzean murgilduta dabil. Gure ikastetxeak eTwinning sarean parte hartzen du jada eta enbaxadore bat du bertan. 

eTwinning: Europako ikastetxeekin elkarlanean aritzen da. eTwinning Europako irakasle-komunitaterik handiena da eta Erasmus+ programaren atal hau Europar Batasunak hezkuntza, prestakuntza, gazteria eta kirolerako duen programaren barruan kokatzen da. eTwinning-ek irakasle-ikasleen arteko harremanak erraztea ahalbidetzen du eta lanerako saretzea. Lankidetza eta elkarreragina oinarri direlarik, STEAM taldean eta nazioarteko proiektu batean parte hartuko dugu herrialde desberdinetan CanSat proiektua nola garatzen duten ikasteko eta proiektuaren hedapena egiteko.