Ymdopi gydag Aseiniadau

Mae dechrau arni a chynllunio aseiniadau'n gallu codi ofn ar rywun, yn enwedig os nad ydych wedi ysgrifennu aseiniad ers sbel.  Ond mae yna ffyrdd o fynd i'r afael â gwaith a gawsoch gan eich tiwtor a fydd yn eich helpu i gynllunio, ysgrifennu a gorffen eich aseiniadau'n llwyddiannus ac mewn pryd.

Darllenwch friff yr aseiniad. Gallwch ddefnyddio nodiadau post-it, pwyntiau bwled neu fap meddwl i'ch helpu i ddeall:

• Y cwestiwn y mae gofyn i chi ei ateb mewn gwirionedd

• Beth yr ydych eisoes wedi’i ddysgu am hyn yn y dosbarth

• Y cliwiau neu awgrymiadau o ran deunyddiau darllen a gawsoch gan eich tiwtor

• Y prif bynciau y mae gofyn i chi eu trafod ym mhob paragraff neu adran

• Pa mor hir y mae gofyn i’r aseiniad fod

• Y math o aseiniad sydd dan sylw – traethawd, adroddiad, cyflwyniad, poster?

• Erbyn pryd y dylid cyflwyno'r aseiniad?

Bob tro, cofiwch ofyn i'ch tiwtor am help i ddeall cwestiwn yr aseiniad a beth y mae disgwyl i chi ei wneud. 

Calendrau Aseiniadau 

I'ch helpu i gynllunio, gallwch ddefnyddio adnoddau fel Google Calendar, Google Sheets, Google Keep neu MindMeister sydd yn eich Apiau Google colegol.  Gallwch hefyd ddefnyddio cynllunwyr calendrau ar-lein i greu amserlen ar eich rhan:

Os oes arnoch angen rhagor o help ac yn cael trafferth rheoli'ch gwaith, siaradwch â'ch tiwtor i ddechrau. Os ydych yn astudio ar gampws, gallwch hefyd ofyn i aelod o dîm y Llyfrgell libraryrhos@gllm.ac.uk . Yn ogystal, gallwch gysylltu â'r  Tîm Cymorth Dysgu studyskills@gllm.ac.uk i gael help mwy personol.