Seinni heimstyrjöldin
Í þessu vali verður farið ítarlega í orsakir og afleiðingar Heimstyrjaldarinnar síðari.
Sérstök áhersla verður lögð á að kynna nemendum sjónvarpsþáttaröðina ,,The World at War" sem BBC gerði á árunum 1973-1974. Þó að þáttaröð þessi sé komin til ára sinna er hún ómetanleg heimild þar sem langflestir þeirra sem þar koma fram upplifðu atburði og skelfingu styrjaldarinnar með beinum hætti.
Kennari: Óskar Ágúst Þorsteinsson
Valinu verður háttað með þessum hætti:
Kennari mun velja þá þætti sem honum þykja bestir og sýna nemendum.
Samhliða þessu verður farið yfir hvaða heimildum (og heimildamönnum) er treystandi varðandi styrjöldina og hvernig sé best að nýta sér þær/þá.
Einnig munum við reyna að þjálfa okkur í að nálgast ólíkar skoðanir frá rökfræðilegum viðmiðum.
Nemendum gefst þá kostur að kynnast helstu atriðum styrjaldarinnar frá mismunandi sjónarhornum
Í framhaldi munu nemendur velja sér afmarkað efni (atburð, persónu o.þ.u.l.) sem þeir vinna með og búa til eitthvað (grein, ritgerð, hlaðvarp eða hvað sem er) sem hjálpar fólki að glöggva sig betur á afmörkuðum sviðum Heimsstyrjaldarinnar síðari.
Bent skal á að kennari ætlast til þess af nemendum að þeir veiti viðfangsefninu óskipta athygli í hverjum tíma. Jafnframt fer hann fram á virkar umræður og skoðanaskipti sem eiga að byggjast á rökum, ekki tilfinningum eða ,,bulli''.
Hér er ekki um einhvers konar ,,easy peacy lemon squeezy'' valfag að ræða!