Aintzinako gizakiek, inguratzen zuten natura eta bizimodua irudikatu beharra ikusi zuten; horrela, marrazketa komunikatzeko eta adierazpenak egiteko erabilia izan da hizkuntza unibertsala bilakatuz. Argi dago, marrazketak eboluzio ikaragarria jaso duela, izan ere, historiaurreko kobazuloetako paretetako irudietatik hasi eta mosaiko, mural, oihal eta abarren margoketatik pausu ikaragarriak eman dira gaur egungo teknika eta formatu ezberdinen erabilerara iritsi arte.

Teknologia ikasgaian marrazketa teknikoa lantzen da, sistema honek hainbat motatako objektuak grafikoki irudikatzen ditu etorkizun batean objektu hori eraiki edo mantendu ahal izateko informazio erabilgarria emateko. Horretarako garrantzitsua da irudikapen sistema ezberdinak ezagutzea eta normalizazio arauak errespetatzea guztientzat errepikakorra izateko.

Espero ez genuen egoera eta ondorioz etorri ziren neurri gogorrek etxean lan eta ikastera eraman gintuzten, izaera hark, gure ingurua hankaz gora jarri zuen gure erramintak ingurune telematikoari lotuz. Atal honetan, marrazketa lantzeko baliabide digitalak aurkezten dira gure egunerokoan, etxean edo ikastetxean erabiltzeko.