Engari jupinhashka ambe, ashi jama uandani ambe, ka ashi jama shiranda ambe karanharhitani jarhani, inde k'uirutsikata arhinka firma ambe. Erokurhi eshkakini andarhiraka chi kuajpiri abogadu arhikata. Ch'ari jatsishka jakajkukua inde kuajperakueri ambe, ka okari ioarhijpikurhini inde uandaka jimbo. Ka inde achambashikini no oti kurhajchantani jarhani policia arhikata, t'u uandani jauaka. Kungurhintsi chinio anapuchani jingoni ka uandontskurhi, engari marepentku jupinhashka. Ka inchajtsientsi ka jorhngurhientsi indeni ia miukuechani chi uandakueri ambe, ka ioarhijpikurhi indeni kuajpirini abogaduni. Ka engari marepentku jatsieka chi uajpechani uandontskurhintsi je. Mamaru ambe ka inde shipieri ambe arhajka, indeni t'uri jiminishi karanharhita ambe uandanhietecha. Para indecha k'uiripucha enga no shu anapukashi kurhangurhintsi indeni kuajpirini abogadu arhikatani nangari ch'a okari nitamakurhini inde uandahieta ambe migracioniri ambe. Ka mamaru ambe engari jiminishi jupinhashka ka engari onhanhashka ambe, ka engari marepentku t'uri arhinhashka eshkari incharini pakaraka jimini k'ateperakuarhu, ashi jama uandontskurhini iamu chi uandanhieta shu anapuri migracioniri. Ashi jama empintani naningari anapuka. Indenkurishi okari enguntani kuajpirini abogado arhikatani. Engari jatsinhashka onhakata, ashi jama jiminishi este ka ashi jama jiminishi karanharhitani ambe. Indekshini migracioniri arhi agenti arhikatecha niuatikshini p'orhembini, ashi jama kurhakontani ambe. Ka ashi jama karanharhitani ambe firma ambe. Uandontskurhintsi orheta indeni kuajpirini abogadu arhikatani. Arhintsi sesi iamu jashi shiranda ambe engari intsinhantashka, ka sesi jiminishi kurhangurhintsi ambe nanga jashi shirandekashi, ka arhi indeni juramutini oficial arhikatani eshkari uetarhishinga ma uandari ch'ari uandakua jimbo.