P'urhépecha

Ini karanharhikutarakua emperata mamaru ambe shentakashi ukuechani ka mamaru ambe emperata jorhengurhikueri ambe K'umajchuni (Comachuén) anapu uandakua. 

K'umajchuni jindesti irieta ka mindakua jatsisti Iauatsini (Nahuatzen) (Michoacán) ka k'uiripu iriericha jatsiesti 6.213 (INEGI 2020). Ini irietani uandakua jatsistishi P'urhépecha arhikata ka mamaru ambe kashumbikua, shiranguecha ka pindekuecha sesi shanharashindishi, ka ashantashindijtsini tua anapu iriekuani ka iashi anapu. 

Anchikurhikua uenakurhisti sesi kungurikua ka kashumbikua tatá jorhenpiri Martín Gabriel Ruiz ka Field Methods 2021/22 Universidad de California, Santa Barbara. 

En esta página web podrán encontrar materiales para aprender más sobre el P'urhépecha de Comachuén (K'umajchuni).

Comachuén es una comunidad originaria de la cultura P'urhépecha del municipio de Nahuatzen (Michoacán) que cuenta con 6.213 habitantes (INEGI 2020). En esta comunidad se mantiene la lengua P'urhépecha y se cultivan las raíces, tradiciones e identidad, y nos traslada al pasado y al presente.  

Este trabajo surge de una colaboración entre jorhenpiri Martín Gabriel Ruiz y la clase de Field Methods 2021/22 de la Universidad de California, Santa Barbara. 

In this webpage you can find materials to learn more about the P'urhépecha language from Comachuén (K'umajchuni). 

Comachuén is a community of the P'urhépecha culture in the municipality of Nahuatzen (Michoacán) and it has about 6,213 inhabitants (INEGI 2020). This community maintains the P'urhépecha language and cultivates the roots, traditions and identity; and it transports us to the past and the present. 

This work is the result of a collaboration between jorhenpiri Martín Gabriel Ruiz and the 2021/22 Field Methods class of the University of California, Santa Barbara. 

 ¿Ambeshki kuajperakuecha uandakuecheri?

Cha upingari urani ch’ari uandakuani naningari uekajka ka nangari uekajka. 

¿Okari uandani ch’ari uandakuani jorhenperakuarhu ishi? ¿Okari urani sherkurhikuarhu ishi ka tsinhajpirichani jingoni? ¿Okari uandontskurhini k’eri juramutini jingoni ch’ari uandakuani jingoni? Engari ushka iamu ambe marhuatani, jatsishkari jakajkukua kuajperakuecheri uandakueri. Engari no ushka, jarhasti nema engakini kejtatacheka ch’ari jakajkukuechani kuajperakuecheri uandakueri. 

¿Ushingiri kurhani ka shenharitani ch’ari uandakuani shenharitakuarhu ishi, uandakua etsakutarakuarhu ishi, takukutarakuecharhu ishi, shiranda uandakua etsakutarakuecharhu ishi, ka Interneti arhikata? ¿Okari jorhenpintani ch’ari uandakuani shiranguechani nangari uekajkari kuirutsintani? Engari ushka iamu ambe marhuatani, jatsishkari jakajkukua kuajperakuecheri uandakueri. Engari no ushka, jarhasti nema engakini kejtatacheka ch’ari jakajkukuechani kuajperakuecheri uandakueri. 

Cha jatsishka kuajperakua ka janhashkakua uandakueri ambe ka urani no uandanhieta jingoni engakshini na kantaka mataru nema. Nokini nema ikichakueni p’ikuastani ch’ari uandakua jimbo, karakua ambe ka karanharhikukua kashumbikua k’eri (firma arhikata). No nema arhietikini eshka ch’ari uandakua no jukaparhashka ambe eshka matarucha uandakuecha. Engari cha o ch’ari uandakua no sesi kanhantaka, jarhasti nema engakini kejtatacheka ch’ari jakajkukuechani kuajperakuecheri uandakueri. 

Cha jatsishka kuajperakua ka janhashkakua uandakueri ambe ka cha ka ch’ari irieta ka okajtsi uandakurhintani ch’ari uandakueri ambe, okari eratsintani ka shanharani uandakueri ambe. No nema otikini arhini eshka ch’ari uandakua no jindeshka. Engari ch’ari irieta nori oka sesi kashumbintani, jarhasti nema engakini kejtatacheka ch’ari jakajkukuechani kuajperakuecheri uandakueri. 

Engari kejtataminhaka ch’ari kuajperakuechani uandakueri ambe, chajtsi okajtsi kuajpikurhini. Jirinhantsi nekini kejtatacheka ch’ari kuajperakuechani ka janhashkakuechani uandakueri ka uandantsi iamu parhakpini. Okari uandani k’uiripuchani jingoni, ka mintsitantani shanharhu ishi, ka marhuatani indeni arhikatani redes sociales, ka karantsi shirandarhu ishi. 

Kuajpientani kuajperakuechani uandakueri ambe, kanikua ukua jukasti ka menkishi no sesi shanharakua ambe engashi uarhipintani jaka juchari uandakueri jimbo ka sandaru sesipindi eshkashi anhurhintapinha iaminducha, ka jarhojperantani ambe, iaminducha engashi uandakua uandarikashi. Inde anchikurhintashindi kuajpintantsini uandakueri ambe iaminducheri. ¡Kungurhintsi juchantsini jingoni!

Versión en p'urhépecha: Martín Gabriel Ruiz y Guillem Belmar Viernes

Vea la versión en español aquí

Read the English version here