Kuajperakuecha shanhatati ka pampiri motsitarakueri

Chi kuajpikurhikuecha engari motsitarakua jimbo nirani jaka. Ch'a engastsi shanhatatika, o engastsi nirani jaka incharini ishi inde motsitarakuarhu ishi, ch'ajtsi jatsishka kuajpikurhikua ambe ka pinashku pakarantsi. Enga t'u jindeeka engari incharini nirani jaka  pasajeru arhikata okari kurhangurhintani ambe  ambenhatsi sesi jatsikajtsi, ka indekshini agenti jatsisti para  arhini okari nintania. Enga indekini policie o agente de migración kurhachishka ambe indekini motsitarakuani shechini incharini, t'uri oka arhieneshka no ambe, eshkari no jieratauaka. Ka enga inde policia arhikatakini arhishka ambe, eshka chi motsitarakua, sani ikichakueni sharharashaka. O jiminishi ikichakueni ambe ukurhikua, nitamasti, otikshini chi motsitarakuani anhashutachini ka jirinhachintani ambe. Ka istu inde policie ka oficina de aduanas y protección fronteriza CBP, indeshi mamaru jashi jatsisti shanharakua jiminishi patrullas ambulantes jimini iamu ishi estados unidu. Ka jatsistishi para anhashutaani iamu jashi enga indeshi shanhatatakua ambeshi kamani jakashi CBP. Ka istu marepentku, jiminishi engari marepentku sharharani jaka eshkari no sesi jashi urishka ambe, mamaru jashi jupikua ambe engakshini inde jiminishi. Kanchini jauaka CBP, uetarhikuesti ambe uni. Okari kurhamarientani indeni agentichani eshka ambe jimboshikshini anhashutani jaki. Ka isturhi arhieni eshkari uekshinga pinashku pakarani, engari no uekajka uandani ambe. Imankurhishi uetarijka kurhakurhintani ambe enga t'u no sesi jashi ikichakueni ueracheeti inde estatus inmigracioniri.