Liberasyon Soti Nan Kwayans Eritaj Yo

Nou fèt ak kwayans nou pa janm poze kesyon sou yo. Yo pase de jenerasyon an jenerasyon, san nou pa janm mande si yo vrèman sèvi nou.

Nou pa janm mande eske, ide sa yo kòrèk? Eske yo pap anpeche nou avanse?

Déséducation se pa sèlman yon pwosesis pou dekonstwi kwayans ansyen  ki pa itil ankò, men li se yon apèl pou rebati lespri nou sou verite ak reyalite. Déséducation pouse nou devlope yon lespri kritik ki ka ede nou kòm endividi ak kòm kominote.

Déséducation ankouraje nou pou nou pa aksepte enfòmasyon san reflechi, men pou nou chèche konprann, analize, epi mete an kesyon tout sa nou aprann. Se yon démarche ki libere nou, ki pèmèt nou grandi entelektyèlman, epi ki bay chak moun kapasite pou rekonstwi pwòp vizyon yo sou mond lan, san chèn prejije ak fo kwayans.

Poukisa "Aprann Pou Rebati" Enpòtan?

• Istwa nou pa toujou jan nou panse li ye – Anpil naratif sou Ayiti ak pèp la te manipile pou sèvi enterè lòt moun. 

• Gen kwayans ki kenbe nou nan mizè – Lide ki fo yo, sou edikasyon, ekonomi, ak kilti ka anpeche nou avanse. 

• Moun ki aprann poze kesyon vin pi lib – Lè nou aprann analize enfòmasyon, nou vin endepandan epi nou pran pi bon desizyon pou nou ak pou jenerasyon k ap vini yo.

Ki Jan Nou Ka Aprann Pou Rebati?

• Dekouvri verite ki kache nan istwa nou – Pa aksepte tout sa yo di nou san reflechi. Chèche sous ki fyab. 

•  Chèche kraze mit ki fon rasin – Èske gen fo kwayans ki anpeche Ayiti avanse? Nou dwe mete yo an kesyon. 

•  Fè rechèch, verifye enfòmasyon – Pa kite nouvèl ki fo ak manipilasyon enfliyanse panse nou.

Yon Apèl Pou Aksyon: Nou Se Chanjman an!

Nou pa ka tann lòt moun pou chanje naratif la. Se nou ki gen pouvwa pou nou redefini istwa nou, edikasyon nou, ak avni nou.

 Angaje w nan mouvman an!

• Pataje verite ak lòt moun.

• Poze kesyon sou sa yo te aprann nou.

• Fè rechèch sou istwa nou ak kilti nou.

• Fòme yon lespri kritik pou nou pa kite fo enfòmasyon kontwole nou.

Nou se jenerasyon ki ka kraze chenn yo! 

Si nou aprann pou nou rebati, nou ka kreye yon Ayiti ki pi fò, ki pi lib, epi ki pi klere.

Èske ou pare pou w mete konesans ou an kesyon epi vin rantre nan mouvman RASHLASOLUTION AN?

Gardien des Mystères: Publie le 21/05/25