Reëls & Regulasies

Algemeen

•  Redenaars moet deurgaans in skoolklere deelneem. Daar is sommige deelnemers, bv leerders wat tuisonderrig ontvang wat nie uniforms het. 

•  Dieselfde toespraak moet deurgaans gebruik word en redenaars mag nie verskillende toesprake gebruik in een jaar en kategorie nie. Toesprake wat die vorige jaar tot en met Nasionale vlak gebruik is, mag nie hergebruik word nie. Leerders mag slegs 1 inskrywing per kategorie doen.

• Dieselfde toespraak mag in Afrikaans en Tweetalig gebruik word, maar die spreker moet die vertaling self behartig. Dieselfde toespraak mag nie vir meer as 2 afdelings gebruik word. 

• Ons het geen voorgeskrewe temas, leerders mag hul eie gebruik wat by hul ouderdom pas. 

•  Vanaf 2019 sal Gr 0-R nie deelneem na die Nasionale Finaal rondte, aangesien hul baie senuweeagtig is en sommige verboureerd raak. Moedig hul steeds aan om deel te neem aan die eerste rondte, aangesien dit vir hul ervaring en opleiding is vir wanneer hul “groot skool” toe gaan. 

•  Lees asseblief die reëls en inligting vir elke afdeling deeglik. 

Tydsduur: (BAIE BELANGRIK) 

Redenaars (alle individuele afdelings) 

• • • Gr R - 3 is 2 – 4 minute 

    • Gr 4 – 7 is 4 – 6 minute 

    • Gr 8 -12 is 6 – 8 minute 

* Spanne (alle afdelings)
Neem asb kennis dat die struktuur van RR spanne ONVERANDERD bly.
Let veral op na tyd 

• Gr R – 3 is 5 – 7 minute 

• Gr 4 – 7 is 8 – 10 minute 

• Gr 8 – 12 is 10 – 12 minute 

Om die toespraak binne die tydgleuf te hou, kan ekstra bronne (soos verkies by sommige ander kompetisies) uitgelaat word.

Tweetalig 

Tweetalige toesprake moet 50% Engels en 50% Afrikaans wees. Verkieslik moet die 1ste helfte in die deelnemer se Moedertaal wees, en die ander 50% in die Addisionele taal. 

Punte van belang (gebruik tydens beoordeling) 

Die toespraak: 

•  Die onderwerp moet beredeneerbaar wees 

•  Inleiding en slot moet effektief/treffend en geskik wees vir die spreker se ouderdom 

•  Struktuur en inhoud moet duidelike en logiese argumente bevat 

•  Die toespraak moet 50% Afr en 50% Eng wees 

•  Daar moet 3 bronne (1 per argument), voorbeelde en eie opinies wees 

•  Geen motiverings-, inligtings-, of vermaaklikheidstoesprake nie. 

Die aanbieding: 

•  Is die spreker selfversekerd/oortuigend/geloofwaardig? 

•  Goeie stemwisseling tussen Afrikaans en Engels en uitspraak moet korrek wees, natuurlik en duidelik

•  Is gebare natuurlik/sinvol/gepas? 

•  Is oogkontak en notahantering gemaklik/natuurlik? 

•  Algemene indruk

In hierdie afdeling word GEEN hulpmiddels, musiek, sing en dans toegelaat. 

Eksperimenteel Individueel – Afrikaans & Engels

Hierdie afdeling is nie so streng en formeel soos die gewone afdelings nie. Die toespraak moet steeds beredeneerbaar wees. Bronne is nie ’n vereiste nie, en sprekers word aangemoedig om hul eie toesprake te skryf. Hul moet hul standpunt oortuig met eie ondervinding en hul eie opinies. Spanne mag hier ook deelneem (spanlede van 2-4).

Die toespraak: 

•  Die onderwerp moet beredeneerbaar wees 

•  Inleiding en slot moet treffend/effektief wees en geskik vir spreker se ouderdom 

•  Struktuur en inhoud moet duidelike en logiese argumente bevat 

•  Geen motiverings-, inligtings-, of vermaaklikheidstoesprake nie. 

Die aanbieding:

•  Is die spreker selfversekerd/oortuigend/geloofwaardig? 

•  Stemgebruik: natuurlik/intonasie/artikulasie/duidelik? 

•  Is gebare natuurlik/sinvol/gepas? 

•  Is oogkontak en notahantering gemaklik/natuurlik? 

•  Algemene indruk.

Neem asseblief kennis van die reëls in hierdie afdeling (Individueel en spanne) 

•  Sprekers neem deel in skooldrag 

•  Klein en slegs hanteerbare hulpmiddels word toegelaat  

•  Geen oor-dramatiese bewegings. Sing, dans en musiek word nie toegelaat.

Leesfees  

Geen voordrag word toegelaat

Belangrike Notas/riglyne:

•  Enige werk mag gelees word wat pas by die leser se ouderdom.  

•  Elke leser stel homself voor, die naam van die werk en die skrywer. Bv. “Ek is Manie van der Merwe, ek lees vandag vir u ‘n uittreksel uit “Lappies” geskryf deur Dana Snyman” of 'n gedig geskryf deur......

•  Alle aanbiedings moet formeel wees, met ander woorde, in skooldrag, staande posisie en geen hulpmiddels en bewegings word toegelaat. Stemgebruik word aangemoedig. 

•  Lesers moet ‘n duidelike afskrif van die leesstuk inhandig by die beoordelaar.  Hierdie is slegs van toepassing by die Streeks- en Nasionale deelname. 

•  Dit is 'n LEES afdeling, en deelnemers wat voordra of nie 'n leesstuk gebruik, sal nie beoordeel word en dus nie 'n sertifikaat ontvang.  

•  Deelnemers moet deurgaans dieselfde stuk lees... van uitdonrondte tot nasionaal.

•  By die leesafdeling sal daar streng gekyk word na tyd, veral tydens Streeks- en Nasionale finaal. Maak dus seker van die tyd van die leesstuk. 

TYD IS MAKSIMUM 2 MINUTE vir Laerskole.   MINIMUM 1,5 MINUTE  -  MAKSIMUM 3 MINUTE vir Hoërskole.  

Afdelings:

L01 – Afrikaans Prosa 

L02 – Afrikaans Poësie 

L03 – English Prose 

L04 – English Poetry