FICHA DE TRABALLO: Como facer o cartel do Entroido 2026 

1. Condicións obrigatorias do concurso

Segundo as bases oficiais do Concello de Moaña 

BASES CONCURSO CARTEL ENTROIDO …

, o teu cartel debe cumprir isto:

• Formato A3 vertical.

• Arquivo final en JPG ou PDF.

• A versión definitiva debe ter 300 ppp.

• Deben aparecer de maneira clara: a sardiña e a xoubiña.

• Texto obrigatorio: ENTROIDO MOAÑA 2026.

• Prohibido usar IA.

2. Como atopar a idea

2.1. Caldeiro inicial

Antes de poñerte a debuxar, anota palabras que che suxiran o Entroido: disfraces, música, humor, peixes, mar, Moaña, xente, cores, ambientes…

IDEAS: 

https://pin.it/45kr5eu1b

https://pin.it/wwaMqGco7

2.2. Buscar referencias xeitosas

Para documentarte, usa buscas sinxelas:

• “cartel entroido galego”

• “sardiña ilustración”

• “xoubiña cartoon”

• “carnaval, poster, inspiration”

Non copies imaxes: observa estilos, cores e composicións.

2.3. Moodboard

Xunta entre 8 e 12 imaxes que che inspiren (cores, formas, poses, expresións…). Pódeche valer unha folla ou un documento dixital. Será o teu mapa visual.

3. Do concepto ao boceto

3.1. Claridade por riba de todo

O cartaz. debe entenderse nun golpe de vista. Pregunta:

• Que quero que vexan primeiro?

• Onde vai ir o texto obrigatorio?

• Como presento a sardiña e a xoubiña para que sexan protagonistas?

3.2. Bocetos rápidos 

Fai 3 ideas pequenas, sen detalles. Busca:

• Unha composición equilibrada.

• Un punto focal claro.

• Un espazo visible para o texto.

Cando teñas a mellor idea, queda con ela é realizamos o nosa idea en  témpera . 

4. Pór EN MARCHAS ÁS TÉMPERAS 

• Témperas en cores primarias (amarelo, cian e maxenta), ademais do branco e do negro.

• Prato para mesturas.

• Recipiente para botar auga.

• Un par ou tres  pinceis, para perfilar e para encher.

• Unha bolsa do lixo, por exemplo, para cubrir e protexer a mesa de traballo.

• Unha camiseta vella ou algo semellante para protexer a roupa, que pode mancharse en calquera descoido ou accidente.

• Un trapo para secar os pinceis e limpar no caso de manchar algo.

• Unha lámina de témpera DIN A3