2º Trimestre

1. O traballo diario - 15%

No traballo diario valorarase a actitude na aula, a atención e participación positiva e a realización de exercicios e traballos (orais e escritos) así como a súa entrega nos prazos acordados; se algún destes exercicios e traballos se realiza en grupo, valorarase o sentido de traballo en equipo, a planificación, o respecto polos/as compañeiros/as e as iniciativas propias. O alumnado deberá manter un caderno adicado ao seguimento da materia, tanto dos apuntamentos recibidos na clase como dos traballos propostos. No mesmo é fundamental a limpeza, a orde, a corrección, a cantidade de material recompilado, a expresión, a ortografía…O ensino-aprendizaxe do galego, non pode limitarse á súa dimensión escrita, por iso terase en conta, tamén, o emprego e a corrección do galego falado na aula polos alumnos.

2. Libro de lectura - 15%

En cada trimestre, o alumnado deberá ler unha das obras propostas polas profesoras e demostrar a súa lectura e comprensión a través dunha proba. Neste 1º trimestre, os libros propostos son os seguintes:

3. Exames e outras probas de avaliación - 70%

A media dos resultados dos exames e outras probas de avaliación sobre as diferentes unidades do currículo suporán o 70% da nota da avaliación.

Nestes exames e probas (ao igual ca na proba de lectura), espérase que o alumnado responda dun modo razoado, conciso, claro e correcto ás cuestións que se lle formulen, tendo en conta que non só se valorarán os contidos senón tamén o xeito de expresalos, a presentación, a corrección ortográfica... Con respecto a este último aspecto, cómpre sinalar que as incorreccións (ortográficas, gramaticais...) descontarán (ata un máximo de 2 puntos), 0.1 ou 0.2, dependendo da súa gravidade.

Se o alumno copiase nalgunha das probas obxecto de avaliación, obtería un 0 na devandita proba.