Құрметті түлектер !!!! 

Қарағанды индустриялық университетіне техникалық дайындық бағыттарының  9 білім беру бағдарламалары тобы бойынша жоғары білімді мамандарды дайындауға арналған 150 мемлекеттік грант бөлінді.

Сіз 50-ден астам балл (әр пән бойынша кемінде 5 балл) жинап, Қарағанды индустриялық университетінің инженерлік-техникалық, және IT бағытындағы кез келген білім беру бағдарламасына, сондай-ақ  фармацевтикалық өндіріс технологиясы білім беру бағдарламасына түсе аласыз. Грантта білім алушылар ай сайын 42090 теңге көлемінде стипендия алады. Жатақхана 4 жыл бойы қамтамасыз етіледі. Жатақхана құны-жылына 40-тан 50 мың теңгеге дейін. Жылына екі рет бару-келу үшін ақы төленеді. Бітіргеннен кейін 100% жұмыспен қамтамасыз етіледі.

Грант байқауына құжаттарды қабылдау 13-20 шілде аралығында өткізіледі!

21 шілде мен 10 тамыз аралығында Гранттар конкурсы өткізіледі!

Мемлекеттік білім  гранттарын тағайындау конкурсына қатысу үшін қажетті құжаттар

1. Өтініш.

2. Білімі туралы құжат (түпнұсқа).

3. Ұлттық бірыңғай немесе кешенді тестілеудің сертификаты.

4. Жеке басын куәландыратын құжат (жеке басын сәйкестендіру үшін қажет).

5. Дәрігерлік-консультациялық комиссия қорытындысы.

6. Екі немесе жалғыз ата-анасының қайтыс болуы туралы куәлік немесе ата-анасының жоқтығын растайтын өзге де құжаттар (ата-ана құқықтарынан айыру, шектеу, хабар-ошарсыз кеткен деп тану, оларды қайтыс болды деп жариялау туралы сот шешімі).

7. Ұлы Отан соғысының қатысушыларына жеңілдіктер мен кепілдіктер бойынша теңестірілген адамдар үшін растама құжат (бар болса).

8. Қазақстан Республикасының азаматтары болып табылмайтын ұлты қазақ адамдар үшін растама құжат (бар болса).

5), 6), 7) және 8) тармақшаларда аталған құжаттар түпнұсқаларда және көшірмелерде ұсынылады, салыстырып тексерілгеннен кейін түпнұсқалары өтініш берушіге қайтарылады.

10-25 тамыз аралығында ЖОО қабылдау комиссиялары талапкерлердің құжаттарын қабылдауды жүргізеді.

Талапкерлер қабылдау комиссиясына келесі құжаттарды өткізуі тиіс:

• қабылдау туралы өтініш;

• білім туралы құжаттар (аттестат);

• 075-У нысанындағы медициналық анықтама;

• ҰБТ сертификаты;

• фото сүрет 3х4-6 дана;

• білім беру грантын тағайындау туралы куәлік

Бізбен байланыста болыңыз және өз грантыңызды алып үлгеріңіз!