1. Hoekom moet jy Wiskunde in graad 10-12 neem?

Wiskunde bevorder hoër kritiese denke asook die vermoë om probleme met geduld en deursettingsvermoë te analiseer en op te los.

Jy ontdek die krag, wonder en nut van syfers, maar leer ook om kreatief te wees en bestaande kennis uit te brei en toe te pas wanneer jy probleme moet oplos.

Die vaardighede wat jy in hierdie vak aanleer sal jou verseker beter toerus vir die toekoms.

Wiskunde leer jou om "buite die boks" dink.

Dit stel jou in staat om verskeie opwindende studierigtings te volg.

2. Watter studierigtings kan gevolg word met hierdie vak?

Jy sal toelating kry tot enige studierigting mits jy aan die minimum slaagvereistes voldoen. Meeste universiteitskursusse vereis dat jy minstens 60% vir Wiskunde moet behaal.

3. Watter opwindende loopbane kan jy volg in hierdie vakrigting?

• Ingenieurswese

• Argitektuur

• Aktuariële Wetenskap

• Alle mediese rigtings (Dokters, fisioterapeute, arbeidsterapeute, diëetkundiges, radiograviste, tandartse)

• Astrofisika en sterrekunde

• Ekoloog, Fisioloog, Biochemikus, Mikrobioloog, Biokinetikus, Sielkundige

4. Watter onderwerpe word in hierdie vak gedek?

• Trigonometrie

• Analitiese Meetkunde

• Euklidiese Meetkunde

• Datahantering

• Waarskynlikheid

• Funksies

• Calculus

• Algebra

• Finansies

5. Watter tipe leerder geniet gewoonlik hierdie vak?

Leerders wat ‘n PASSIE het vir syfers en probleemoplossing. Hierdie vak vereis soveel ure van harde werk dat ‘n leerder werklik daarin moet belangstel om ‘n sukses daarvan te maak.

6. Watter tipe assessering word in hierdie vak gedoen?

Hoofsaaklik formele assesserings: Kwartaaltoetse, klastoetse, tutoriale, projekte en ondersoeke.

7. Aanbevelings vir leerders wat hierdie vak wil neem.

Ten minste 60% vir Wiskunde in graad 8 en 9.

Hoë syfervaardigheid.

Kritiese denke en probleemoplossingvaardighede.

Goeie tydsbestuur.

Deursettingsvermoë en toewyding om elke dag Wiskunde te doen.

Bereidwilligheid om baie hard te werk.