1. Hoekom moet jy Geografie in graad 10-12 neem?

Ons is almal deel van een groot sisteem van mense, diere, plante en ‘n veranderende omgewing. Hoe beter jy dit verstaan, hoe beter sal jy kan beplan en aanpas om jou direkte omgewing te kan bestuur, maar ook om ‘n bydrae te maak om die wêreld beter te bestuur.

2. Watter studierigtings kan gevolg word met hierdie vak?

• Mens-Wetenskappe (BA grade)

• Natuur Wetenskappe (BSc grade)

• Opvoeding en onderwys (BEd grade)

• Rekenaarwetenskappe (GIS Kwalifikasies)

• Stads- en Streeksbeplanning (Nagraadse Kursus)

3. Watter opwindende loopbane kan jy volg in hierdie vakrigting?

• Mynbou

• Landbou

• Toerisme

• Ingenieurswese

• Omgewingstudie en -bewaring

• Weerkunde en -voorspellers

• TV- en Filmproduksies

• Onderwys en ouerskap

• Omgewingsimpak-assessors

• Stads- en streeksbeplanners

• Rampbestuurders en seismograwe

• Kartograwe en veral Elektroniese kaart (GIS) spesialiste

• Munisipale bestuur

• Politieke loopbane

• Paleontoloog

• Verkeersbestuur en -beplanning

• Lugbestuur en vliegtuig-beheer

• Ekonome

• Ruimte eksplorasie

• Ontdekkingsreisigers

Die manier van dink wat deur Geografie versterk word, waar jy geleer word om te ondersoek hoe voorwerpe en gebeure die mens beïnvloed, maar ook watter planne ons kan maak om probleme te hanteer, is ‘n denkvaardigheid wat in elke moontlike beroep gebruik word.

4. Watter onderwerpe word in hierdie vak gedek?

Fisiese Geografie:

• Geomorfologie: die aarde met sy land- en watermassas.

• Klimatologie: die atmosfeer en weer daarin

Menslike Geografie:

• Nedersettings: dorpe en stede met hul eienskappe en uitdagings

• Ekonomies: die mens se manier van oorleef en die impak op mekaar en die omgewing

Kaartwerk:

• Lees en verstaan van topografiese kaarte

• Lugfoto’s

• Elektroniese kaarte en Geografiese Inligting Sisteme (GIS) op rekenaars.

5. Watter tipe leerder geniet gewoonlik hierdie vak?

Leerders wat wonder oor goed om hulle, wat hou van vrae vra, wat weet en wil weet van wêreldgebeure. Jong leiers van môre wat ‘n verskil wil maak in hulle omgewing.

Mense wat oplossings wil help soek vir uitdagings wat die mens vir homself geskep het.

Persone wat omgee.

6. Watter tipe assessering word in hierdie vak gedoen?

Assessering vind meestal plaas deur die onderwerpe wat ons bestudeer toe te pas op werklike gebeure, omgewings en voorbeelde.

Ons vra 5 vrae in Geografie, naamlik:

• Wat is dit?

• Hoe werk dit?

• Waar kom dit voor? (Kaartwerk)

• Hoe raak dit die mens?

• Wat kan ons doen om dit te bestuur?

7. Aanbevelings vir leerders wat hierdie vak wil neem.

Jy moet nuuskierig wees, en dinge om jou kan raaksien.

‘n Aanvoeling vir ruimtelike voorstellings op kaarte help baie.

Die uitdaging van enkele somme te kan aanpak.

Byhou van ‘n groter geheelbeeld met effektiewe opsommingswerk