1. Hoekom moet jy Musiek in graad 10-12 neem?

Musiek as ‘n vak op hoërskool gee leerders holistiese vaardighede, nie net om hulle voor te berei vir 'n musiekloopbaan nie, maar vir enige beroep wat hulle sou kies.

2. Watter studierigtings kan gevolg word met hierdie vak?

• BMus (uitvoerend)

• BMusEd (onderwys)

• Musiekterapie

• Musiektegnologie

• Musiekkomposisie

• Studies in Filmmusiek, Ligte musiek, Klankingenieurswese en vele meer.

3. Watter opwindende loopbane kan jy volg in hierdie vakrigting?

• Uitvoerende Musikus/Kunstenaar (Klassieke/Ligte musiek)

• Komponis

• Dirigent

• Musiekonderwyser

• Musiekjoernalis

• Musiekterapeut

• Musiektegnoloog

• Klankingenieur

• Musiek in die Advertensiewese (jingles),

• Skryf van musiek vir Rekenaarspeletjies

• Agent vir uitvoerende kunstenaars

• Impressario

• Platevervaardiger

4. Watter onderwerpe word in hierdie vak gedek?

Die vak bestaan uit 5 komponente:

1. Praktiese musiekstudie (instrument-/sangonderrig)

2. Musiekteorie

3. Algemene musiekkennis

4. Gehooropleiding

5. Komposisie

5. Watter tipe leerder geniet gewoonlik hierdie vak?

Die intelligente, individualistiese, skeppende leerder.

6. Watter tipe assessering word in hierdie vak gedoen?

• 2 praktiese eksamens (sang/instrument)/jaar (Junie en November)

• 2 teoretiese eksamens (musiek-teorie, -geskiedenis en –gehoor)/jaar

• 2 PAT-take (praktiese take)

• 2 toetse/jaar

7. Aanbevelings vir leerders wat hierdie vak wil neem.

‘n Leerder moet verkieslik reeds 'n instrument bespeel / kan sing. Dit help ook baie as hy/sy reeds op graad 2-standaard (UNISA) is met musiekteorie (hoewel dit nie verpligtend is nie).