1. Hoekom moet jy Duits in graad 10-12 neem?

Duits maak deure oop vir oorsee werk, woon en studeer - en bied selfs werksgeleenthede in ons eie land. Daar is altyd die opwindende moontlikheid om aan 'n Duitse uitruil deel te neem. Deur Duits as vak in graad 10 - 12 te neem, vestig jy jou Duitse taalvaardighede en begin die pad stap om vlot Duits te kan praat.

2. Watter studierigtings kan gevolg word met hierdie vak?

Enige studierigting, maar meer spesifiek: toerisme, gasvryheid, vertaling, vertolking, onderwys, joernalistiek, diplomatieke dienste, bemarking.

3. Watter opwindende loopbane kan jy volg in hierdie vakrigting?

Toergids, onderwyser, vertolker, vertaler, skrywer, uitgewer, invoer- en uitvoerspesialis, en enige beroep waar 'n addisionele taal 'n voordeel is! Ander rigtings wat mense met addisionele tale verwelkom is die media, bankwese, konsultante, welsynsorganisasies, openbare betrekkinge (PR) en nog meer.

4. Watter onderwerpe word in hierdie vak gedek?

Kos, kultuur, jeug, liefde, reis, woon, omgewingsbewaring, skool, sport, musiek, stokperdjies, identiteit, feeste en nog meer.

5. Watter tipe leerder geniet gewoonlik hierdie vak?

'n Leerder wat daarvan hou om nuwe vaardighede aan te leer. Een wat hou van stories, reis, lees en wat graag leer oor ander mense en kulture.

6. Watter tipe assessering word in hierdie vak gedoen?

Skryftake, lees- en luistertoetse, mondelinge, taaltoetse.

7. Aanbevelings vir leerders wat hierdie vak wil neem.

Leerders moet ten minste Duits in graad 8 en 9 geneem het en verkieslik 60% in Duits in graad 9 behaal het - asook 'n redelike goeie punt in Engels en Afrikaans. Leerders moet bereid wees om hard te werk, tyd uit te sit vir woordeskat leer en bereid wees om foute te maak en daaruit te leer.