1. Hoekom moet jy Rekeningkunde in graad 10-12 neem?

Indien jy jou in ‘n finansiële handelsrigting wil bekwaam, is dit belangrik dat jy Rekeningkunde op skool neem. In jou eerstejaar B.Com is Rekeningkunde en Ekonomie verpligte vakke en indien jy die twee vakke reeds op skool neem, gee dit vir jou die nodige agtergrond vir jou verdere studies.

2. Watter studierigtings kan gevolg word met hierdie vak?

Universiteit van Stellenbosch

• B.Com Algemeen

• B.Com (Internasionale besigheid)

• B.Com (Ekonomiese Wetenskappe)

• B.Com (Wiskundige Wetenskappe)

• B.Com (Professionele graadprogram)

• B.Com (Regsgeleerdheid)

• B.Com (Bestuurswetenskappe)

Cape Peninsula University of Technologie (CPUT)

• Nasionale diploma in Rekeningkunde

• Nasionale diploma in Koste en Bestuursrekeningkunde

• Nasioanle diploma in Interne ouditkunde

• Nasionale diploma in Finansiële Informasiestelsels

Boland Kollege Stellenbosch

• Nasionale Diploma in Finansiële Bestuur

Sien 'n opsomming van die B.Com rigtings by die Universiteit van Stellenbosch:

3. Watter opwindende loopbane kan jy volg in hierdie vakrigting?

• Finansiële beplanner

• Aktuaris

• Beleggingsbestuurder

• Geoktrooieerder rekenmeester

• Landbou-ekonoom

• Bedryfsielkundige

• Internasionale besigheidsbestuurder

• Bestuursrekenmeester

• Ekonoom

• Prokureur

• Finansiële bestuurder

• Logistieke bestuurder

• Vervoer-ekonoom

• Besigheidsanalis

• Finansiële sektor – bankwese, versekeringsbedryf, welvaartbestuurder

• Innovasiebestuurder

• Datawetenskap – programmeerder by ‘n finansiële instelling

• Entrepreneur

• Informasiestelselbestuurder

• Ouditeur

• Risikobestuurder

• Aandelemakelaar

• Finansiële joernalis

• Menslike hulpbronbestuurder

4. Watter onderwerpe word in hierdie vak gedek?

• Debiteure en Krediteure se boekhouding

• Kleinkastransaksies

• Salarisse en lone van werknemers

• Belasting op toegevoegde waarde (BTW)

• Finansiële state van ‘n eenmansaak, vennootskappe en maatskappye

• Kosteberekeninge

• Opstel van begrotings

• Bankrekonsiliasies

• Bestuur van Vaste bates

• Voorraadstelsel

• Interne kontrole en ouditprosesse

• Etiek

5. Watter tipe leerder geniet gewoonlik hierdie vak?

‘n Persoon wat lief is om met syfers te werk, Wiskundige en Rekenkundige berekeninge te doen, sal die vak baie geniet. In Rekeningkunde speel probleem-oplossings ‘n groter rol as die memorisering van feite. Indien jy ‘n belangstelling in die sakewêreld het, sal die vak jou aanspreek; jy kan natuurlik nog hierdie belangstelling ontwikkel. Sou jy Rekeningkunde as vak kies, moet jy bereid wees om nougeset te werk.

6. Watter tipe assessering word in hierdie vak gedoen?

Die assesserings vir Rekeningkunde behels die volgende:

• kontroletoetse

• klastoetse

• projekte

• take

• Junie- en November eksamens

7. Aanbevelings vir leerders wat hierdie vak wil neem.

Indien jy Rekeningkunde kies, moet jy minstens 60% vir Wiskunde in Graad 9 behaal. Die kombinasie van Wiskunde (verpligtend), Rekeningkunde en Ekonomie sal jou goed voorberei om in ‘n finansiële rigting te gaan studeer.