2. AURKIBIDEA ETA AZTERKETA EREDUA

2. autorea:

ERDI AROKO FILOSOFIA

Agustin Hiponakoa eta Tomas Akinokoa

1. Agustin Hiponakoa

1.1. Datu biografikoak eta testuinguru historikoa.

1.2. Fedea eta arrazoimena: ezagutzeko sinetsi.

1.3. Zoriontasuna eta Jainkoa edukitzea.

1.4. Jainkoaren existentzia eta ideia eredugarriak.

1.5. Askatasuna eta gaitzaren arazoa.

1.6. Historiaren filosofia: Lurreko hiria eta Jainkoaren hiria.

1.7. Platonen filosofiaren eragina Agustinengan (erlazionatzeko galdera, Agustinen testua landu duten ikasleentzat).

2. Tomas Akinokoa

2.1. Fedea eta arrazoimena.

2.2. Jainkoaren existentzia: bost ibilbideak.

AZTERKETA EREDUA (AGUSTIN)

TESTUA

Ama, filosofiaren gazteluaz beraz jabetu zara. Hitzak besterik ez zaizkizu falta izan Hortensius izeneko liburuan, filosofiaren alde eta gorespenerako liburu hartan, Tullius-ek bezala aditzera emateko: hara nola guztiek, ez filosofoek hain zuzen, baina bai eztabaidarako prest daudenek, nahi bezala bizi direnak zoriontsu direla diote. Oker handia! Komeni ez dena nahi izatea zoritxar ezin handiagoa baita. Nahi dena ez lortzea ez da komeni ez dena lortzea bezain txarra. Gaitz handiago dakartza borondatearen txarkeriak, zorteak ondasun baino.

Agustin Hiponakoa, Bizitza Zoriontsuaz.

GALDERAK:

1. MULTZOA: TESTUAREN ULERMENA

• 1.1 Laburtu pasartea, haren ideiak eta ideien arteko loturak errespetatuz. (puntu 1)
• 1.2 Azaldu azpimarraturiko terminoak. (puntu 1; 50-75 hitz, termino bakoitzeko)
• 1.3 Testuaren tesia kontuan hartuta (desioaren eta zoriontasunaren arteko loturaz), gara ezazu disertazio labur bat, gutxienez tesiaren aldeko argudio bat eta haren kontrako beste argudio bat emanez. Ondoren, eman ezazu zure tesiaren inguruko hausnarketa. (3 puntu; 200-300 hitz)

2. MULTZOA: EDUKIAK ETA TESTUINGURUKETA

• 2.1 Azal ezazu, laburki, zer den gaitza Agustin Hiponakoarentzat. (1.5 puntu; gehienez, 150 hitz)
• 2.2 Agustinen historiaren filosofia: Jainkoaren Hiria. (1.5 puntu; gehienez, 150 hitz)
• 2.3 Arrazoimena eta fedea Agustinen eta Tomasen obretan. (2 puntu; gehienez, 250 hitz)

Oharra. Azterketaren 2.1 eta 2.2 galderak programan azaltzen den lehenengo egilearen epigrafeen araberakoak izango dira. 2.3 galderan, bigarren autorea ere aintzat hartuko da (adibidez: "Arrazoimena eta fedea Agustinengan eta Tomasengan", "Aldera itzazu Agustinen eta Tomasen ikuspuntuak Jainkoaren existentziaren frogei dagokienez", Azaldu zer ikuspuntu dituzten/zer planteatzen duten Agustinek eta Tomasek Jainkoaren existentziaren frogez" ) edo beste egile batekin erlazionatzekoa izango da (adibidez: "Platonen filosofiaren eragina Agustinengan").