B.1. jarduera

Demagun A atalean, ahoskera lantzean kontuan hartu ditugun ezaugarri horiek guztiak gelaratu nahi ditugula. Zer hartuko dugu kontuan? Nolako ezaugarriak eta adierazleak hartuko ditugu kontuan eta nolako akatsak zuzenduko dizkiegu ikasleei ahoskera zaindu dezaten erabilera formaletan?

Hemen duzue galdera horiek erantzuten dituen gelako proposamen bat (Euskararen estandarizazioa lantzen aritu den Busturialdeko eta Lea-Artibaiko irakasleen mintegiak egina). Mintegikideen gogoeta da, gero ikastetxeetara eramango dena.

Gure proposamena hauxe da: zuek eredu hori aztertzea eta zuen errealitatera ekartzea eta doitzea.

Hauxe egitea proposatzen dizuegu:

• Taldeka elkartu etaparen arabera: HH, LH 1. zikloa, LH. 2. zikloa, DBH…
• Ereduan proposatutakoa aztertu zuen etapari bereziki erreparatuta.
• Nola moldatu dezakezuen aztertu zuen errealitatea hobeto islatu dezan.

Materiala:

• Ereduaren fotokopiak
• (Aukerakoa) Curriculumeko ebaluazio adierazleak etapaka antolatuta.