EKUAZIOAK

Bidaiatzen gabiltzanean, jatetxeetan janaria eskatu aurretik, komeni da jakitea zenbat diru gastatuko dugun. Horretarako, grafikoak eta taulak erabil ditzakegu. Jatetxean egiteko, tamalez, ez litzateke oso erosoa izango. Matematikak, baina, badu oso erreminta aproposa horretarako: ekuazioak.

Funtzioak adieraztean erabili ditugu. Izan ere, funtzioetako puntu bakoitza ekuazio bat da. Asko erabiltzen dira, ze oso arinak dira eta beti ez dugu funtzioen informazio guztia behar, balio jakin batzuena baizik.

Esaterako, 20 € bagenitu merkatuan sagarrak erosteko, zenbat sagar kilogramo erosi ahal izango genituzke?

f(x)=1,5x edo y=1,5x da erabili dugun funtzioaren adierazpen analitiko edo aljebraikoa. Zer esan nahi du horrek? Hizkiak eta zenbakiak nahasten dituela. Gogora ditzagun adierazpenaren atalak:

f(x)=y → guztira zenbat kostatuko zaigun (€)

1,5 € → kilogramo sagarrak

x → erositako sagar kilogramoak

20 €-ak y aldagaiaren lekuan ipiniko ditugu: 20 = 1,5x. Adierazpen hori ekuazioa da.