FUNTZIOAK

Bilatzaileek, hotel hitza sartuta, hitz hori duten webguneak erakusten dizkigute, zerrendatuta. Zerrendaren ordena beste aldagai batzuen arabera egiten da: adibidez, orrialdea zenbat webgunetan estekatuta dagoen, web-orrian gako-hitzik erabiltzen den, erabiltzaileek zenbat alditan aukeratu duten, eta abar. Hau da, hasieran datu bat eman, eta, ondoren, aipatu berri ditugun baldintzen araberako emaitzak ematen ditu. Hori guztia matematikaren bidez kalkulatzen da, algoritmoak erabiliz.

Gure ariketa errazago egiteko, eskertzekoa litzateke bilatzaileak hoteletik bisitatu nahi ditugun toki eta ikuskizunetara zer distantzia dagoen emango baligu, esaterako. Hauxe behar dugu: datu bat sartu eta erantzun bakarra ematen duen bilatzailea. Horri funtzio deritzogu.

Orain arte marraztu ditugun grafikoen artean, badira funtzioak ere. Zergatik diogu funtzioak direla? Aldagai aske bakoitzak (x) mendeko aldagaiaren (y) erantzun bat baino ez duelako. Aztertu irudi hauek:

Hauek berriz, ez dira funtzioak, x bakoitzak erantzun bat baino gehiago duelako.

Hauek, ostera, ez dira funtzioak. Zergatik? x bakoitzak erantzun bat baino gehiago duelako.

Bidaian, edonon aurkituko dituzue funtzioak: gosaltzean, esaterako, zukutzen dugun laranja-kopuruaren arabera, zuku-kantitatea gehitu edo gutxitu egingo da; hortzak garbitzean, hortzetako pastaren hodia indar handiagoz zapaltzen badugu, orduan eta hortzetako pasta gehiago aterako da; dendara zoaztenean, aurretik zenbat gastatu duzuen, gauza gehiago edo gutxiago erosi ahal izango dituzue…