Maiatzaren 17a ospatzea garrantzitsua da ikastetxean oraindik ere presente dauden jarrera homofobo eta transfoboak ikusarazteko eta horiei aurre egiteko. Egun honek aukera ematen digu ikasleei aniztasuna errespetatzearen garrantzia helarazteko, kolektiboaren eskubideak defendatzeko eta ikastetxea guztiontzat seguruagoa bihurtzeko. 

Egun honetarako ekintzen artean, photocall koloretsua antolatzen dugu ikastetxean, ateratako argazkiekin sarrera girotuz pankarta baten laguntzaz. Horrez gain, DBH2ko ikasleek berdinen arteko tailerrak gidatzen dituzte, LGTBIQ+ eskubideei buruz hausnartzeko eta errespetua sustatzeko.