Dewis Patrymau – ar gyfer pob uned newydd, dewis patrymau fydd yn sail i’r dasg lafar a’r dasg ysgrifenedig sy’n:

• bwrpasol ar gyfer y tasgau,

• ddigon newydd i herio ac ymestyn y dysgwyr,

• gyfarwydd ond angen eu hatgyfnerthu,

• wedi’u targedu i ddysgu nodwedd ramadegol allweddol (e.e. treiglad) mewn cyd-destun.

Mapio’r Camau Sefydlu – cynllunio sut y bydd pob patrwm yn cael ei gyflwyno, ei ymarfer a’i fewnoli.

Defnyddio Adeiladwyr Brawddegau – paratoi/addasu adeiladwyr i gefnogi modelu a  phrosesu’r iaith.

Cyd-destunau Ystyrlon – cysylltu patrymau â themâu cyfredol, cyd-destunau lleol fel eu bod yn gofiadwy ac yn berthnasol.

Llafar yn Gyntaf – sicrhau bod siarad/gwrando yn dod cyn ysgrifennu, yn unol â’r egwyddorion yn y Fframwaith.

Disgwyliadau Blwyddyn-benodol – sicrhau bod nodweddion penodol ar gyfer eich blwyddyn (strwythurau, treiglo, atalnodi, terminoleg) yn cael eu:

• cyflwyno a’u dysgu’n glir mewn patrymau yn yr unedau yn hytrach na’u dysgu ar wahân.

• hail-ymweld mewn cyd-destunau ystyrlon

Adalw – ail-ymweld â phatrymau blaenorol mewn tasgau newydd ar draws y meysydd dysgu, nid symud ymlaen yn unig.

Asesu ar gyfer Dysgu – gwirio gallu dysgwyr i ddefnyddio patrymau’n ddigymell (nid yn unig mewn tasgau wedi’u sgaffaldio).