Crewyd yr adnodd hwn ar gyfer athrawon uwchradd i ateb y galw am ddeunyddiau darllen cyfoes. Gwelwyd bod prinder adnoddau darllen anghydamserol a thraciau sain.

Dewiswyd themâu poblogaidd a fyddai'n apelio at bobl ifanc.

Mae'r wefan yn llawn deunydd darllen amrywiol ynghyd â thasgau trafod, darllen a deall ac ysgrifennu.

Gyda phob darn darllen ceir trac sain a fydd yn gymorth i'r dysgwyr wrando ar y darnau pe dymunent.

Mae sawl dull gwahanol o ymateb i'r darnau darllen e.e. cwisiau Quizlet, Google Forms, Educandy a Kahoot. Yn ogystal, ceir tasgau yn gofyn i'r dysgwyr ymateb yn estynedig drwy ateb cwestiynau darllen a deall ar ddogfennau i'w hargraffu.

Mae'r adnoddau yn ffrwyth gwaith cydweithio cenedlaethol, ac yn gynnyrch sawl ysgol ar draws Cymru.

Gellir defnyddio'r adnodd ar gyfer dysgu cyfunol.

Ceir darnau darllen llenyddol ac anllenyddol ynghyd â thasgau ar y themâu isod. Mae amrywiaeth o dasgau adalw gwybodaeth, gwaith geirfa, gwerthuso arddull, ymateb personol, cymharu testunau ac ysgrifennu estynedig yn rhan o'r adnodd. 

Mae'r wefan wedi'i strwythuro yn ôl yr adrannau canlynol 

"Dyma adnodd ddefnyddiol ar gyfer gosod gwaith darllen a deall annibynnol.  Mae'r traciau sain yn werthfawr ar gyfer dysgwyr wrth gwblhau'r tasgau.  Adeiladir y tasgau yn drefnus ac mae yr amrywiaeth o destunau yn apelgar a chyfoes."  

Athro Cymraeg, ysgol yn y de-ddwyrain.