Prawf Darllen Safonedig

Mae Prawf Darllen Cymraeg Safonedig Consortiwm Canolbarth y De yn fesur o gywirdeb darllen y gellir ei ddefnyddio i lywio strategaethau addysgu a dysgu. Gellir ei ddefnyddio hefyd i nodi dysgwyr a fyddai'n elwa o ymyrraeth i hyrwyddo eu cywirdeb darllen ac, o ystyried bod ganddo ddwy ffurf gyfochrog, gellir ei ddefnyddio hefyd i fesur cywirdeb darllen dysgwr yn dilyn ymyrraeth. 

Penderfynwyd cadw at ofynion y Cymhwyster TGAU ond hefyd i gynnig profiadau pellach i ddysgwyr er mwyn cyfoethogi eu darlleniad a'u dehongliad o'r nofel.

Rhoddwyd sylw manwl i'r addysgeg wrth drafod sut mae dysgwyr yn astudio nofel a sut mae ymarferwyr yn cyflwyno nofelau i ddysgwyr.

Roedd adborth yr ysgolion yn nodi'n glir yr angen am weithgareddau ymarferol sy'n ennyn diddordeb a brwdfrydedd dysgwyr yn y nofel ond hefyd yn meithrin cariad gydol oes at lenyddiaeth.

"Ers dysgu’r nofel Llyfr Glas Nebo i ddosbarthiadau TGAU, rydym fel ysgol wedi gweld y deunydd ar y wefan yn hynod ddefnyddiol. Bu’r llinell amser yn ddefnyddiol fel bod modd i’r disgyblion roi digwyddiadau yn eu trefn oherwydd yn yr arholiad, gall amser y dyfyniad ym mywydau’r cymeriadau effeithio ar gynnwys yr hyn fyddan nhw’n gallu ei drafod yn y dasg greadigol. Mae’r deunyddiau ar y cymeriadau a’r themâu hefyd wedi bod yn sbardun gwerthfawr i greu gwersi ac wedi bod yn help i’r disgyblion wrth lunio portreadau o’r cymeriadau neu i ddefnyddio dyfyniadau pwrpasol."