Outubro
VENRES 13 DE OUTUBRO
Escoitamos con atención a lectura do conto de Eloy Moreno: "El niño que pudo hacerlo". Un día un neno que patinaba sobre xeo cun amigo, veu como o seu amigo se quedaba atrapado debaixo do xeo. Golpeou con tanta forza o xeo que logrou salvalo. Os bombeiros non daban crédito de que un neno tan pequeno poidera ser capaz de algo así. Un anciano comentou: "Foi capaz porque non había ninguén para dicirlle que non podía". En asamblea, buscamos a moralexa do conto... "as nenas e nenos podemos facer moitas máis cousas das que pensan os maiores que somos capaces", "as nenas e os nenos temos que intentar facer cousas antes de pedir que nolas fagan os maiores", etc.
Organizamos o traballo do día. Esta ocasión probamos cun traballo por estacións (en lugar de plan de traballo) de 30 minutos cada unha. Tiñamos o material preparado en cada mesa e un temporizador na pizarra. Ademais, tivemos a sorte de poder contar coa axuda de Noa, que estivo na estación de arte axudándonos a facer castelos tenebrosos:-)
Antes da clase de música deunos tempo de pasar por dúas estacións.
Logo do recreo, escoitamos o primeiro sorteo das mochilas viaxeiras nos banquiños do patio. Tocoulle a Lucca!!! Despois fomos á biblioteca a facer o intercambio de libros semanal (que é todos os venres).
Nas últimas dúas sesións, pasamos polas outras tres estacións que nos faltaban.
Estación 1. Lectura comprensiva.
Estación 2. Arte. Debuxamos un castelo tenebroso.
Estación 3. Expresión escrita. Construímos un pequeno conto, escribímolo e illustrámolo.
Estación 4. Mates: numeración.
Estación 5. Cálculo mental. Xogo de mesa "Código secreto".
Sorteo das mochilas viaxeiras.
MÉRCORES 11 DE OUTUBRO
Lectura científica. Comezamos coa pregunta: "Por que fan ruido as tripas cando temos fame?". Logo de escoitar varias hipóteses, lemos a resposta científica. As tripas, tal e como explica a ciencia, fan ruido sempre, o que ocorre é que cando teñen comida dentro esa comida amortigua o ruido, e cando están baleiras, escóitanse moito máis.
Tivemos unha asemblea para falar e resolver un problema que xurdiu onte. Falamos novamente sobre a importancia de respectarnos todos tal e como somos, sen desprezos, nin risas, nin motes. Fomos opinando sobre a necesidade de xogar tranquilos con quen queremos, como queremos, sen que ninguén nos poida desprezar.
De xeito individual, realizamos sumas en árbore con centenas.
O circuito matemático tivo 4 estacións:
Coordenadas. Temos un reto proposto por un neno/a do equipo. Escolle unha coordenada de partida (por exemplo, D5) e varios movementos partindo dela (con flechas cara arriba, abaixo, dereita, esquerda...). En que lugar acabamos?
Xogos viso- espaciais. Temos que conseguir un reto proposto (que só se vexan determinados elementos). Tamén xogamos ao Memory.
Xeometría. Seguimos con simetrías en equipo realizadas coas regletas.
Cálculo pasando da centena. Sumas do tipo 80 + 40. Collemos regletas de 10 e de 100 para calcular resultados.
Logo do recreo, tivemos unha sesión de filosofía. Escoitamos un novo capítulo de Pepe y Felisa titulado "A sorpresa". O plan de discusión xirou en torno a este tema: as sorpresas. Que é unha sorpresa? Sempre son boas?. Continuamos escribindo un listado de sorpresas que nos encantaría ter e outro de sorpresas que non nos farían ningunha gracia...
Na última sesión rematamos as tarefas do contexto actual.
Estación 1. Coordenadas.
Estación 2. Xogos viso-espaciais.
Estación 3. Simetrías en equipo.
Estación 4. Iniciación ao cálculo pasando a centena.
Plan de discusión de filosofía.
Escrita partindo da sesión de filosofía
MARTES 10 DE OUTUBRO
Os poemas que lemos hoxe xa nos van preparando para o Samaín... porque foron un pouco terroríficos e incluso asquerosos... Escoitamos a lectura por parte da profe dos poemas "El cerdo" e "El escorpión" do libro "Qué asco de bichos" de Roald Dalh. Deste mesmo autor trataremos un libro para o club de lectura durante este curso.
As rutinas foron guiadas por Lucas, quen nos dixo a data, calculou a diferenza de temperatura interior da exterior, e axudou a repasar os días da semana, meses, series de numeración de 2 en 2, de 1 en 1 para atrás dende o 20, de 5 en 5, de 100 en 100, o muro do 5, muro do 10 e abecedario.
Ilustramos o poema terrorífico de Roald Dalh titulado "El cocodrilo". A profe leu tres veces a poesía e mentras iamos debuxando o que alí aparecía.
Fixemos 5 problemas da serie Quinzet. O que nos deixou pensando... pero logo nos fixo gracia foi: "Cantas colas teñen doce cabalos?". Corriximos e compartimos estratexias de cálculo.
Logo de relixión/proxecto, educación física e do recreo tivemos un tempo para a lectura en parella. Máis tarde rematamos o noso "Señor fúnebre" comezado onte e fixemos unha lectura de absurdos, onde localizamos con bastante soltura aqueles absurdos que apareceron.
En contextos ultimamos as nosas tarefas, dado que mañá será a última sesión no contexto actual.
LUNS 9 DE OUTUBRO
Comezamos a semana cunha nova lectura por capítulos. O libro que imos ir lendo aos pouquiños cada luns titúlase "Minimalario" de Pinto&Chinto. Pequenos relatos sobre animais que desprenden creatividade e que adoitan sorprender! Hoxe lemos o do camaleón, o do galo, o do can que agachaba ósos e o do rinoceronte.
As rutinas foron guiadas por Lucca, quen nos dixo a data e axudou a repasar os días da semana, meses, números para atrás dende o 20, de 2 en 2 ata o 20, sumas dobles, muro do 5, muro do 10, números de 5 en 5 ata o 50, de 100 en 100 ata o 1000 e abecedario.
A necesidade básica sobre a que reflexionamos hoxe foi: "a necesidade de espacio". Falamos sobre eses momentos onde estamos moi agobiados porque alguén se nos acerca moito, ou dos momentos onde logo de estar con moita xente necesitamos estar sós. Tamén xurdiron situacións de necesidade de espazo logo dun enfado, cando nenos máis pequenos xogan moito tempo seguido con nós... Identificamos e entendimos esta necesidade a través dun círculo proactivo onde tod@s participamos.
Houbo tamén un tempo para as noticias do fin de semana.
Atendimos á explicación e práctica de sumas con centenas en árbore. Sumamos primeiro os centos, logo os deces e por último os uns. Escribimos o resultado. Esta vez axudámonos de cores para diferenciar con máis facilidade os valores dos números.
Realizamos unha ficha individual de sumas por descomposición (tipo 200 + 100 + 30 + 40 + 1 + 2) e de sumas en árbore (tipo 234 + 451). En xeral, entendímolas con bastante facilidade.
Como esta semana non está a "teacher Albina" porque está co alumnado de 6º nun campamento, na sesión de inglés estivo a profe Laura cuns xogos de mesa matemáticos.
Logo do recreo, comezamos a preparación para o vindeiro club de lectura. O libro que faremos será da serie dos "Minimortos", de Ledicia Costas (non hai que mercalo, que se pagará cos cartos de material). Hoxe comezamos coa lectura da profe doutro libro da mesma autora: "Conexión macarrón". Un neno e unha nena están agachados debaixo dun tobogán no parque porque non para de chover e non teñen paraugas... De súpeto aparece un señor fúnebre cunha voz moi grave...
Nese momento paramos a lectura para realizar unha proposta creativa na libreta do club de lectura. Tiñamos que debuxar o home que máis medo nos poidera dar nunha situación similar á dos protagonistas. Ademais do debuxo fomos poñendo explicacións escritas sobre os elementos que aparecían no noso debuxo inventado.
Na última hora fomos ao noso contexto (de momento o mesmo que o da semana pasada) e avanzamos coas nosas tarefas.
VENRES 6 DE OUTUBRO
Plan de traballo en biblio durante todas as sesións excepto na especialidade de música.
Primeiro tivemos unha pequena explicación de como están colocados os libros na biblioteca (que están según a Clasificación Decimal Universal) e algunha práctica para gardar algún libro no andel correspondente.
Logo comezamos a realizar o plan de traballo coa parella ou grupo de tres que escollemos.
Ao final da mañá fixemos unha autocrítica en asamblea sobre como resultou o plan de traballo. Coincidimos todos en que é moi mellorable... Un porcentaxe grande de nenos/as planificaron mal, alongándose moito nun reto e non tendo despois tempo para os demais, outro porcentaxe perdeu moito tempo simplemente en chegar a acordos coa parella para ver que reto facían..., unha pequena porcentaxe de nen@s non cumpliu as normas da biblio e outra porcentaxe si que realmente puxo moito esforzo en rematar e facer todos os retos do plan de traballo. Tamén é certo que houbo algún problema técnico (na radio) e que hoxe non tivemos profesorado de apoio. É moi posible que en vindeiras ocasións organicemos estes plans doutra maneira (onde sexa máis doado poder axudar a todos cando o precisen) e pouco a pouco ir conseguindo máis autonomía (a medida que coñezan e se familiaricen máis co tipo de tarefas que se adoitan propoñer).
XOVES 5 DE OUTUBRO
Escoitamos varios trabalinguas relacionados coa comida e logo xogamos as adiviñas tamén de alimentos. Esta vez foron algo máis complicadas, aínda que acabamos resolvendo todas elas.
As rutinas foron levadas a cabo por Virgi, quen nos dixo a data e axudou a que repasaramos os días da semana, meses, números para atrás dende o 20, muro do 5, muro do 10, números de 2 en 2 ata o 20, sumas dobles, números de 10 en 10 ata o 100, de 100 en 100 ata o 1000 e abecedario.
Colocámonos en "modo teatro" (posición de atender e poder ver de cerca o encerado) para explicar as sumas "grandes". Aprendemos a facer sumas con centos. Algunhas eran do estilo 200 + 100 + 20 + 20 + 4 + 1, resolvendo pouco a pouco os distintos resultados (primeiro centos, logo deces e por último uns). Outras estaban colocadas en vertical e iamos escribindo os resultados cara abaixo (colgo foto como exemplo).
Realizamos 5 problemas da serie Quinzet. O que máis lata nos deu foi: "Cantas patas teñen 7 pombas?".
Individualmente fomos resolvendo as fichas de cálculo propostas e tamén unha de problemas, aínda que esta última non en todos os casos deu tempo de rematala.
Logo de educación física e do recreo tivemos un tempiño para lectura en parella e logo fixemos escrita colectiva. Estreamos o novo material do kit básico!! Entre todas fomos inventando frases que tiveran algún absurdo. Escollemos dúas delas e as escribimos intentando separar correctamente as palabras e facelo con letra minúscula.
En contextos estamos en pleno proceso de elaboración das nosas ideas!! A semana que vén temos que ter as tarefas elaboradas para o mércores!
MÉRCORES 4 DE OUTUBRO
A pregunta científica pola que comezamos a mañá foi: "Por que se producen terremotos?" Logo de escoitar diferentes hipóteses na asamblea, lemos a explicación científica. O solo non é tan duro como parece e que ten placas encaixadas entre si (coma se foran pezas dun puzle), esas placas crecen pouquiño a pouco e cando se desencaixan é cando se produce un terremoto. A gran maioría deses movementos son imperceptibles pero ás veces causan unha catástrofe.
Continuamos realizando unha ficha de cálculo (de repaso do curso pasado). Realizamos sumas do tipo 40 + 20 + 3 + 1, sumando primeiro os deces e logo os uns. Tamén sumas coa estratexia das pestanas (tamén sumando primeiro os deces e logo os uns). Logo rematamos a ficha de cálculo iniciada o luns onde tiñamos que calcular canto nos faltaba para chegar á decena seguinte (32 + ? = 40).
O circuito matemático tivo 4 estacións:
Estación 1: Lectura de coordenadas. Colocamos unha pedriña nun cadrado do taboeiro de xadrez. Escribimos (en secreto) na nosa pizarra en que coordenada está e mostramos a todo o equipo.
Estación 2: Numeración. Tiramos dados de centos, deces e uns e montamos coas regletas e tarxetas Montessori ese número.
Estación 3: Xogos viso-espaciais. Montamos debuxos dados con pezas xeométricas magnéticas. Ou escollemos o xogo "Colors" onde temos retos onde superpoñendo diferentes debuxos acabamos montando o debuxo proposto.
Estación 4: Cálculo buscando o 10. Sacos de Paco con regletas onde tiñamos que buscar deces (parellas que suman dez, "os policías") e o número que queda só ("o ladrón"). Calculamos o número sumando todas as cantidades.
Logo de inglés e do recreo, xogamos a inventar frases absurdas de forma oral. Logo fixemos unha lectura comprensiva individual onde tiñamos que localizar todos os absurdos que atopáramos. Tamén fixemos unha lectura onde tiñamos que adiviñar que necesitaba cada personaxe en función da frase que dicía. Ao rematar estas dúas lecturas poidemos ler en parella, escribir notiñas, debuxar...
En contextos continuamos co grupo/profe desta semana traballando emocións ( o grupo de Laura), os sentidos (o grupo de Diego) e o corpo humano (o grupo de Magoia).
Estación 1. Lectura de coordenadas.
Estación 2. Numeración.
Estación 3. Xogos viso-espaciais.
Estación 4. Sumamos todas as regletas buscando amigos do 10.
Buscamos absurdos
Que necesitará cada nen@?
MARTES 3 DE OUTUBRO
Comezamos a mañá escoitando a lectura por parte da profe do conto de Eloy Moreno titulado "La mujer perfecta".
Rutinas, que guiou Adam. Escribimos a data, calculamos a diferenza de temperatura interior da exterior, e repasamos os días da semana, meses, series de numeración, muro do 5, muro do 10 e abecedario.
Continuamos avanzando co Plan de traballo porque nos quedaran retos sen rematar dende o venres. Nese tramo tivemos a visita duns inspectores alemáns que viñeron para coñecer algunhas das dinámicas de inclusión empleadas na escola.
Logo de relixión/proxecto, educación física e o recreo fixemos un círculo reactivo (para buscar solución a un problema entre todo o grupo-clase). Houbo unha situación inesperada de violencia no autobús e entre todos expresamos como nos sentiamos e buscamos diferentes solucións.
No último tramo acudimos ao noso contexto correspondente.
LUNS 2 DE OUTUBRO
Hoxe rematamos de escoitar a lectura por parte da profe do libro "Pupi e as pantasmas". Finalmente Pupi e o seu amigo Nachete, logo de tantas mentiras, acabaron asustándose e crendo que si había unha pantasma no seu cuarto. A nai de Nachete contoulles o conto de Pedro e o lobo e, un pouquiño despois, xa quedaron durmidos.
As rutinas foron levadas a cabo por Maia, quen nos dixo a data e axudou a calcular a diferenza de temperatura interior da exterior. Xuntos repasamos os días da semana, meses, números para atrás dende o 20, sumas dobles, números de 2 en 2 ata o 20, de 10 en 10 ata o 100, de 100 en 100 ata o 1000, muro do 5, muro do 10 e abecedario.
Fixemos o novo reparto de encargos de aula da semana.
Presentamos outra necesidade básica, a necesidade de silencio. Nun círculo proactivo, compartimos algunha situación na que o ruido molestounos moito e sentimos esta necesidade: cando queremos concentrarnos, cando a tele está moi alta, cando queremos durmir e a orquestra está tocando, cando estamos no autobús...
Como todos os luns, non poideron faltar as noticias do fin de semana. Compartimos o mellor momento e nalgúns casos tamén ensinamos algo especial: millos moi diversos, unha pluma de aguia, pulseiras que viñan de moi lonxe, un coche, unha medalla, etc....
Atendemos á explicación de mates. Canto falta para chegar á decena seguinte? Se estamos, por exemplo, no número 53... canto falta para chegar ao 60?... Descubrimos que novamente os amigos do 10 servíannos de moita utilidade... Probamos a facelo con regletas e coa táboa do 100.
Individualmente e cun cronómetro, realizamos sumas pequenas o máis rápido posible. Apuntamos o tempo que tardamos en realizalas para intentar superar o noso tempo en vindeiras ocasións.
Comezamos a realizar o cálculo explicado de forma individual (canto me falta para chegar a...?). Mañá remataremos.
Durante a clase de inglés tivemos unha sorpresa! Petaron forte a porta...Debía ser Coviña... Cando abrimos a porta diante estaba a caixa de Coviña cunha carta para cada un! Xa sabemos de que vai ser o PDI, será de ARTESANÍA!!!!
Logo de inglés e do recreo desfrutamos dun tempo para a lectura en parella. Ao rematar tamén fixemos en parella a ilustración da lectura do poema da lúa (un dos retos do plan de traballo do venres).
En contextos fomos co profe do noso grupo, co que agora estaremos 2 semanas. Con Laura estarán traballando as emocións e sentimentos, con Diego os sentidos (preparando un programa de radio sobre este tema) e coa profe Magoia co corpo humano.