MÉRCORES 15 DE NOVEMBRO. 

Cross en Montalvo.

• A pregunta científica de hoxe foi: "Que son os buratos negros?". Logo de escoitar con atención as diferentes hipóteses (algunhas moi acertadas), lemos a resposta científica a esta pregunta (en imaxes máis abaixo).

• Mateo Fernández fixo a súa exposición oral sobre o lugar a onde lle gustaría viaxar. Nesta ocasión viaxamos a Nova York. Presentounos os diferentes puntos do guión ilustrado con imaxes na pantalla sobre esta grande cidade. Ao rematar fixemos a valoración personal.

• Circuito matemático dividido en catro estacións (esta vez deunos tempo a pasar por todas):

  • Estación 1: Xeoplanos con formas xeométricas. Construimos a figura ou debuxo que queiramos coa condición de que só podemos montar triángulos, rectángulos e cadrados.

  • Estación 2: Cálculo (restas subindo). Canto me falta para chegar ao 100? Partindo dun número imos chegando ata o 100 e apuntando os nosos movementos. Axudámonos da táboa do 100 e das regletas.

  • Estación 3: Lóxica. Diferentes retos con bloques lóxicos e atributos.

  • Estación 4: Numeración. Montamos números que pasan do 100 tirando os dados, con perlas Montessori, tarxetas Montessori e regletas.

• Logo dun pouquiño de inglés, merendamos e marchamos cara Montalvo.

• Quentamos un pouquiño antes de correr e animámonos a realizar este circuito. Todos chegaron á meta!! E incluso Virgi e Diana acadaron un diploma por chegar de séptimos!! Noraboa a tod@s!

• Ao chegar á escola fixemos un recreo e descansamos un pouquiño na clase con lecturas, mandalas, notiñas... antes de marchar para casa.

MARTES 14 DE NOVEMBRO. 

Saída a Pontevedra.

• Nada máis chegar xa nos preparamos para coller o autobús cara Pontevedra.

• O concerto de Odaiko foi de moita calidade e moi divertido. Estivemos moi atent@s e participativ@s sempre que nolo solicitaban. Había bastante ruido do público en xeral, pero desfrutamos moito do espectáculo!

• Chegamos á escola xusto no recreo. Merendamos e alongamos un pouquiño este tramo de descanso tan necesario.

• Na hora de ler rematamos a lectura na pantalla de "Conexión Macarrón" de Ledicia Costas. Remataba cunha frase que nos gustou moito... "A vida tamén é iso... Soñar e quererse moito. Ata as estrelas." Pensamos e escribimos un verso cada un que comezara desa maneira... "A vida tamén é iso...". 

• Na última hora comezamos un novo contexto!! 

LUNS 13 DE NOVEMBRO

• Escoitamos con atención os sorprendentes mini-relatos de "Minimalario". Hoxe os protagonistas foron un lirón que roncaba, un ourizo que xogaba só, un oso que andaba en motocicleta... 

• Continuamos coas rutinas, que foron levadas a cabo por Ruy. Repasamos días da semana, meses, series de números e muros.

• No tempo de noticias mostramos aos compañeiras algunhas sorpresas e compartimos aquelo que máis ilusión nos fixo facer este fin de semana.

• Adicámoslle tempo ás mates. Traballamos series de números diversas, cálculo de sumas coas pestanas que pasan do 10 nas unidades e restas subindo (pouco a pouco parando no 10).

• Logo de inglés e do recreo lemos en parella durante 15 minutos.

• Realizamos unha lectura comprensiva de instrucións bastante complicada, pero resolvemos moi ben. Tamén unha búsqueda de absurdos.

• Na última hora, en vez de contextos (retrasaremos 2 días por unha cuestión loxística) fixemos unha manualidade relacionada co espazo.

VENRES 10 DE NOVEMBRO

• Comezamos a mañá escoitando a lectura do conto "A verdade" de Eloy Moreno. Buscamos a moralexa do conto entre todos.

• Escoitamos con atención a exposición oral de Enzo. Gustaríalle ir a Lisboa. Foi falando dos diferentes puntos do guión e ao rematar fixemos a valoración personal.

• Tivemos tempo para a votación de delegado/a da clase. Finalmente a nosa delegada será Leire.

• Tamén realizamos o sorteo para o Consello Escolar da Infancia. Formarán parte do mesmo Mateo Fernández e Olivia.

• Logo fomos á biblioteca e traballamos por estacións.

  • Estación 1: Pequena investigación científica. Buscamos información sobre un planeta e recollemos as ideas principais.

  • Estación 2: Lectura comprensiva de instrucións e préstamo de libros para casa.

  • Estación 3: Xogo de mesa Imagine, un xogo de creatividade, expresión oral, categorización...

  • Estación 4: Uso libre da biblioteca.

A mochila viaxeira tocoulle a Bernardo!! E a de profes a Rosana!!

XOVES 9 DE NOVEMBRO

• Adiviñas de plumas! Hoxe foron complicadas porque todas as adiviñas tiñan por resposta unha ave. 

• Presentación de candidaturas para ser delegado/a da clase, tamén de voluntarias/os para formar parte do Consello Escolar Infantil.

• Rutinas do encargado. Hoxe foi Mateo Piñeiro quen nos dixo a data e axudou a calcular a diferenza de temperatura interior con respecto á exterior, días da semana, meses, números para atrás dende o 20, muro do 5, muro do 10, números de 2 en 2, de 5 en 5, de 10 en 10, de 100 en 100 e abecedario.

• Mateo tamén realizou a exposición oral sobre a que lugar lle gustaría viaxar. Nesta ocasión falounos de "Castilla y León", axudándose da proxección en pantalla para ir falando de todos os puntos do guión. Ao rematar fixemos a nosa valoración personal.

• A  tarefa individual coa que seguimos a continuación foron problemas matemáticos diversos. Tiñamos que rodear e escribir os datos, realizar a operación correspondente e anotar o resultado. En xeral, resolvemos con bastante facilidade. Aquelas persoas que remataron pronto esta tarefa tiveron tempo de rematar tarefas atrasadas.

• Logo de educación física e do recreo tivemos un tempo de lectura en parella. Logo comezamos unha nova dinámica de lectura: lectura colectiva en pantalla. Grazas á plataforma Elbe proporcionada por bibliotecas escolares de Galicia, temos acceso a libros dixitais. Lemos entre todos unha revista titulada "Veamos más estrellas", ofrecéndonos de forma voluntaria para ir lendo cada un dos apartados da revista. Grazas a esta lectura tamén aprendemos sobre a contaminación lumínica.

• Hoxe rematamos o contexto actual! O vindeiro luns comezaremos unha nova temática co profe que nos toca.

MÉRCORES 8 DE NOVEMBRO

• A pregunta científica de primeira hora da mañá foi: "Que é un asteroide?". Escoitamos as diferentes hipóteses e logo lemos varias respostas científicas sobre este tema. Descubrimos, entre outras cousas,  que están feitos de roca e que hai un cinturón de asteroides moi cerca do Sol... 

• Noa realizou a súa exposición oral. Gustaríalle viaxar a Laponia. Proxectou na pantalla diferentes fotos que lle foron guiando nos distintos puntos do guión, dos que nos foi falando con detalle. Logo de rematar, fixemos a valoración personal.

• O cálculo individual foron restas coa estratexia das pestanas e iniciación a restas subindo. Dun número a outro... canto me falta? (parando sempre no 10 para fomentar o cálculo mental).

• O circuito matemático foi o mesmo que o de hai 2 semanas, dado que nos faltaban dúas estacións a cada grupo. 

  • Estación 1: Cálculo dun número a outro (restas subindo) axudándonos de regletas e táboa do 100.

  • Estación 2: Xeoplanos. Construimos figuras dadas ou inventadas coas gomas dos xeoplanos.

  • Estación 3: Lóxica. Dados tres atributos (mesturados negativos e positivos) buscamos os bloques lóxicos que cumplan esas tres condicións.

  • Estación 4: Sacos de Paco con cartos. Agrupamos os billetes de 50 de 2 en 2 para formar 100 e contamos a cantidade de cartos que hai no saco. Apuntamos na pizarra e corriximos.

Logo de inglés e do recreo, na hora de ler realizamos unha lectura comprensiva de inferencias (debemos deducir a resposta porque non está escrita no texto) e escritura de frases dada unha imaxe. 

• Na última hora acudimos ao noso contexto a ultimar a tarefa que nos corresponde.

MARTES 7 DE NOVEMBRO

• Lectura por parte da profe do poema "Refrán-historia de un niño mimado". Tamén reflexionamos en asemblea sobre o refrán que remataba o poema: "A caballo regalado no le mires el diente".

• Diana encargouse das rutinas, dicíndonos a data e calculando a diferenza de temperatura interior da exterior. Tamén repasamos os días da semana, meses, series de numeración e abecedario.

• Logo Diana realizou a exposición oral sobre a que lugar lle gustaría viaxar. Nesta ocasión foi a Perlim. Escoitamos con atención e realizamos a nosa valoración personal.

• Xa nos nosas mesas, ilustramos o poema "Caracol da leituga" e realizamos 5 problemas da serie Quinzet. O que máis se nos complicou foi: Teño 9 panos, cantos me faltan para ter unha ducia? 

• Logo de relixión/proxecto, educación física e o recreo estivemos 10 minutos lendo individualmente e logo tivemos club de lectura. Escoitamos con atención a lectura doutro anaco de "Conexión macarrón". Resulta que o señor Expósito, o fúnebre, escribiulles unha postal a Rino e Espe dende o espazo! Paramos a lectura e inventamos a posible postal debuxando e escribindo de forma individual.

• Na última sesión acudimos ao noso contexto actual.

LUNS 6 DE NOVEMBRO

• Lectura por parte da profe de varios relatos curtos do libro "Minimalario" de Pinto&Chinto. Un insecto palo ao que lle naceu unha folla, un insecto folla que xusto posou enriba dun insecto palo, un esquío ao que lle salvou unha noz, un crocodilo que sabía o que non quería ser de maior...

• As rutinas da encargada foron levadas a cabo por Leire. Díxonos a data, calculamos a diferenza de temperatura interior con  respecto á exterior, repasamos os días da semana, meses, series de numeración, muros e abecedario.

• Cada quen compartiu as noticias do fin de semana, preocupándonos de mellorar na escoita dos demais sen interrupcións.

• Na sesión de mates realizamos cálculo: sumas de máis de cen en vertical (sumando primeiro centos, logo deces e por último uns) e sumas mentais (de deces e dun número grande máis un pequeno).

• Logo de inglés e do recreo, fomos á biblioteca a facer o intercambio de libros (o venres non foi posible pola celebración do Samaín). Tamén houbo unha mellora considerable na calma durante este tempo de devolución, préstamo e lectura na biblioteca.

• No regreso á clase tivemos tempo de lectura ou actividade de escritura (a escoller, individual ou en parella).

• En contextos continuamos co/a mesmo/a profe que a semana anterior.

VENRES 3 DE NOVEMBRO: Samaín.

• Lectura por parte da profe María do conto "La impaciencia" de Eloy Moreno. Entre todos buscamos a moralexa do conto.

• Exposición oral de Pablo. Gustaríalle viaxar a Barcelona! Valoración personal entre tod@s @s compañeir@s.

• Traballo individual relacionado co Samaín: propostas diversas (simetrías, cálculo, escrita sobre os animais de medo...) onde cada quen se organizou para ir facendo pouco a pouco.

• Conta-contos de medo de Brais das Hortas na biblioteca. Caghamos patatillas!!:-)

• Logo do recreo, visita ás salas de medo da escola. Sala das cabazas, aula de medo, aula dos sons e aula dos conxuros. Coa nosa parella (de 1º ou de 2º) fomos realizando o percorrido... Unha boa parte da clase repetiu a ruta coa súa familia ou novamente cun amigo. Algúns nenos/as escolleron quedar na clase debuxando e montando un esqueleto de papel.

XOVES 2 DE NOVEMBRO

• Adiviñas de metereoloxía. Escoitamos con atención as adiviñas que foi lendo a profe e pouco a pouco fomos resolvéndoas.

• Rutinas da encargada. Hoxe foi Olivia quen nos dixo a data e axudou a repasar os días da semana, meses, muro do 5, muro do 10, series de números para atrás dende o 20, de 2 en 2, de 5 en 5, de 10 en 10, de 100 en 100 e abecedario.

• Traballamos outra necesidade básica, neste caso a necesidade de coidado. Na maioría das intervencións realizadas no círuclo proactivo, compartimos situacións de enfermidade, caídas... momentos onde nos demos conta de que necesitabamos ser coidados e atendidos.

• Repasamos a cantiga do Neno caníbal un par de veces.

• No traballo individual organizámonos empezando pola proposta que quixemos de 3, para ter rematadas todas na hora de ler. Dentro das tarefas a realizar tiñamos restas (mentais e con pestanas), problemas e escritura (para reforzar a norma ce ci con c e para mellorar a letra minúscula).

• Unha vez rematadas estas tarefas poidemos deseñar o noso paraugas e rematar as catrinas para o Samaín.

• Logo do recreo tamén fixemos unha gravación da cantiga do Neno Caníbal xunto co alumnado de 1º de Primaria.

• Na última hora continuamos coas nosas tarefas do contexto actual (relacionadas co corpo, sentidos ou emocións).