2020-2021 ikasturteari begira, guztion erronka izango da garapen iraunkorrerako helburuak lortzeko bidean jarraitzea. Horretarako orain arte egindako lan bikainean oinarrituta, hobetzeko esparruak identifikatuko ditugu eta hobetzeko proposamenak martxan jarriko dira.

Komunitate osaren ardura beharrezkoa da kalitatezko hezkuntza jasangarria lor dezagun.

Otsailak 10ean gure ikasle batzuk Genero berdintasunari buruzko mahai inguru birtualean parte hartu dute.

Garapen iraunkorreko 5. helburua berdintasuna lortzea da.

Gai honetaz sakontzeko zonaldeko ikastetxeko emakumezko ikasleak (2-4 ikastetxeko) bildu dira bideo deia batean.

BC3tik, otsailaren 11n, Emakume eta Neska Zientzialarien Nazioarteko eguna dela eta antolatutako ekitaldian parte hartu zuten batxilergoko ikasleek.

Teresa Gimenok eta Itxaso Ruizek ikertzaileek esperientzia pertsonalez eta profesionalez hitz egin digute, aurre egiten dieten erronkez, eta klima adaketaren ikerketan generoen integrazioak duen garrantzia erakutsi digute.

Saio birtuala izan da eta ingelesez aritu dira.

Interesgarria benetan!!

Martxoan hasi gara ortuko lanak 1go DBHeko ikasleekin.

Lan handia zegoen bankalak prestatzeko. Lurraren kalitatea ere aztertu behar izan genuen ongarria behar zuten ala ez jakiteko.

Lan bikaina egin dute gure ikasleek!!

3. mailako ikasleak Ekoetxea Meatzaldea-Peñas Negrasera joan dira Bizkaiko meatzaritzagintzaren eta pertsonen ekintzen ondorioz inguruan izan den eraldaketa ezagutzera.

Egun ederra eta bisita oso interesgarria!

Zer egingo zenuke 40' izango bazenu mundua salbatzeko?

Hau da gure ikasleek egin behar izan dutena Scape room jokoaren metodologiaz.

Zenbait froga burutuz Planeta salbatzeko kutxaren klabea lortu behar izan dute.

Ezetz asmatu zer zegoen kutxa barruan?

Erabil ezazu sormena birziklaturiko materialeei beste bizitza eta erabilpen bat emateko 4. mailako ingeleseko klasean egin duten moduan.

Eta jarraitu duzun prozesua ingeleraz kontatzen saiatzen bazara?

Martxoaren 22an hasiko da INGURUMEN-ZINEMAREN 5. edizioa ikastetxean DBHeko talde guztientzat.

Dakizuenez, 9 astetan film labur bat ikusi ahal izango duzue.

Talde batek astero filmari buruzko galdetegia egingo du, euskera, gaztelera eta ingelesa hizkuntzak txandakatuz.

Hemen eskegiko ditugu galdetegiak.

Galdetegiak edozein egunetan bete ahal dituzue zikloa bukatu arte.

Galdetegi guztietan partaidetzaren %60a lortzen duen taldeak, eta erantzun zuzenen kopururik handiena daukanak irabaziko du egun bateko irteera.

Agenda 30k ekoizpen eta kontsumo iraunkorrak ditu helburuetariko batzuk, hori dela eta Maitane Alonso Monasterio egon da jardunaldi teknikoetan bere erronkaz eta garapen profesionalaz hitz egiteko. Ikasleek ere galderak egin ahal izan dizkiote chaten bitartez.

Maitanek IMA izeneko enpresa sortu zuen, elikagaien konserbatziorako teknologiakoa.

Neska harrigarri honek kontatu ziguna jakiteko sakatu bideoan .

Martxoaren 23 eta 24an 2. DBHeko taldeak Madariaga dorretxea bisitatzera joan dira baita Padura ekosistema ezagutzera ere.

Ikusi bideoan zein egun ederra pasatu duten.

Martxoan jarraitu genuen ortuko lanekin. Oraingoan 1A eta 1Beko ikasleekin egon ginen. Landatzen hasi ginen nahiz eta hilabete honetan barazki gutxi landatu ahal ziren. Kipulak eta bi motatako letxugak besterik ez. Apirilean gehiago jarri ahal izango dugu.

4. mailako ikasleek tips desberdinak aukeratu dituzte eta ingelesez egin dute ikertutakoari buruzko aurkezpenak. Lan bikaina egin dute.

Duela urte asko Albert Einsteinek idatzita utzi zuen: "Erleak planetatik desagertzen badira, gizakiari lau urteko bizitza besterik ez zaio geratuko: erlerik gabe ez dago polinizaziorik, ez belarrik, ez animalirik, ezta gizakirik ere"

Apirila honetan Inazio erlezaina egon da ikastetxean 1go mailako ikasleekin erleen mundu harrigarria erakusteko.

1Ceko ikasleekin joan gara oraingoan. Azken barazkiak landatu ditugu, belar txarrak kendu, konpostatu eta ureztatu ere egin dugu. Bukatzeko lurra akoltxatu dugu hurrengo saioetan garbiketa lana errazteko.

EKAINAREN 1ETIK KONTSUMITU IRAUNKORRAGO