Ing Anac Arenas
Ing Anac Arenas, (Ene mate Capilan man), Diwa neng Almario C. de Jesus, Ing Agila Ning Apalit
Calupa ning mesambitla, Neng dudungan daca poesya,
Alang binit ining tula, Ecu man mipiyac a mata.
Uling ing kekang tumayla, malambis la pa keng mutya
At Sonatang manibatan, King carinan ning bathala.
At ing Caban ning isip mu, Caracal da reng misimpan
Guintu't banal a amanu, Obat eca cagisanan.
Pati na ytang Gareta, E milacad nung e tairan
apaltu meng maulaga, careng gapuc sasaken.
"Sibul ning Arayat
aplit yang tutulu
ytang cayang danum
manyaman ya uru".
Inya ini nang Aguila, agyang matas yang sulapu
duducu ne ing bontoc na, keng galing mung mangamanu.
Luid ca Anac Ning Arenas,, Mipala ya ing Amanu,
Uling ating calupa mung, matenacan careng bersu.
Emu sana tutucnang, dagdagan mu ing sipagan,
Isalbag lang masalese, bini da reng cayanancan.
Potang pupulan do reti, ica ena macalingwan,
Lagyung Anac Ning Arenas, ene mate capilan man.
amor
Ing aguila ning apalit