Ca Enteng, Bayaning Hortilano
CA ENTENG, Bayaning Hortilano
Neng Almario "Amor" de Jesus
Aliwa ya y Mang Enteng careng Pangan banda Sucad
E no lacwan Pamilya na, bang munta aliwang Labwad
E man luluslus Menila, manintun aliwang obra
Meging ligaya na caya, ing obra na king Taldawa
Manese yang damulag na, a tune nung caluguran
Anting carame king bie na, king tula at casakitan.
Keng bili cu paninapan ing bie keta king marangle
Alang dacal a problema, simpli mu ing pami-biebie.
Nung deta nang kecang bitis, madalas lang macatalpac
king gabun a obrahan mu, deng aldo mu e la ditac
Ing pali at ytang dimla, ning gabun a kecang dilpac
Anting panulung menibat, king Dioys keca macacayap.
Purian taya y Ca Enteng at abe nang Hortelano
Ylang tune a bayani, dangalan ding Pilipino.