Dalit na Ning Dila
Dalit na Ning Dila
neng Amor de Jesus
Makayamang dudungdungan,
Amanung mengatalandang,
caring labi ning poetang
matas tutu a tagimpan.
Nung buri mung apilasa
ing yumu da at linamnam,
simen mulang tunggal tunggal
palub la king paldungngusan.
Amanung misna king lambing
anting dalit na ning Uran,
neng durugpa ya king gabun,
adayu ne panga galtung.
Bucud ketang metula ca
mipayid ca pamagmalun,
miragdag pa ing beluan mu
ketang Amanu tang Sisuan.
Anya sana O poeta
o kecang pakirandaman,
Madalas me sang pialungan
yang lira mung makasimpan.
At nung emu pa abalu
ngeni keca cu na sabian,
dacal ca ababie tula
kareng babasa't darandam.
amor 06/25/10
at Las Vegas, Nevada U.S.A.
(A sequel from a poem by Oliver Carlos, Dalit Ning Kauran.)